Zdavałasia b, biedny i niaščasny čałaviek kamiennaha vieku. Hałodny i stomleny pracaj, tuliŭsia ŭ svaich ziamlankach i nie viedaŭ jak vyžyć. Nasamreč, akazvajecca, usio zusim nie tak. Historyk i archieołah Maksim Čarniaŭski kaža, što staražytnyja ludzi tracili značna mieniej času na charčavańnie i na pracu, čym my. Pryblizna za 3 hadziny ŭ dzień, jany zabiaśpiečvali siabie ježaj na dzień. Uvieś astatni čas ludzi kamiennaha vieku zajmalisia adukacyjaj dziaciej, a taksama raźvićciom svajho duchoŭnaha śvietu.
Ščaślivyja ludzi. Dziela taho, kab siońnia daśledavać ich pobyt, zvyčki i śvietaŭsprymańnie, sučasnamu čałavieku prychodzicca hublać nie adzin hod na ciažkuju pracu, raskopki i daśledavańni kožnaha kavałačka ziamli. Śviedčańni ich žyćcia ŭsio jašče lažać u ziamli, u tym liku i ŭ našaj biełaruskaj:
Pieršaja stajanka na Kryvinskim tarfianiku ŭ Biešankovickim rajonie była vyjaŭlena ŭ 1934 hodzie. Z toha času tam znojdziena 10 tarfianikovych pomnikaŭ. Najbujniejšym źjaŭlajecca Asaviec-2, vyjaŭleny Michasiom Čarniaŭskim u 1966 hodzie i sparadyčna im daśledujecca da hetaha času. Z 2008 hoda daśledavańniem častki hetaha pomnika pačaŭ zajmacca taksama syn spadara Michasia archieołah Maksim Čarniaŭski.
