Hienieralnaja prakuratura Rasijskaj Fiederacyi zaličyła knihu Adolfa Hitlera «Majn Kampf» («Maja baraćba») da ekstremisckaj litaratury.
Pra heta paviedamlaje aficyjny sajt viedamstva.
Zhodna z paviedamleńniem prakuratury, kniha «vyražaje militaryscki śvietapohlad i apraŭdvaje dyskryminacyju i źniščeńnie asob niearyjskich ras, adlustroŭvaje idei, realizacyjaj jakich staŭ pačatak Druhoj suśvietnaj vajny».
Pieršy tom «Majn Kampf» byŭ vydadzieny ŭ Hiermanii ŭ 1925 hodzie, druhi — u 1926-m. Hitler nazvaŭ svaju aŭtabijahrafiju «Čatyry z pałovaj hady baraćby suprać iłžy, duraści i kavarstva», adnak vydaviec paličyŭ nazvu zanadta doŭhaj i skaraciŭ jaje. Pačynajučy z 1992 hoda, na ruskaj movie kniha była vydadziena piać razoŭ u Rasii i krainach SND. Akramia taho, u 1930-ch hadach abmiežavanym nakładam była vydadziena ruskamoŭnaja viersija dla partyjnaha kiraŭnictva SSSR.