Tomaš Šmit na pres-kanfierencyi ŭ Minsku. 6 maja. Fota: BiełTA
Polskaja prakuratura pačała rasśledavańnie spravy ŭ dačynieńni da sudździ Tomaša Šmita, jaki źbieh u Biełaruś.
Jaho padazrajuć u supracoŭnictvie ź biełaruskimi śpiecsłužbami i špijanažy. Taksama prakuratura ličyć, što Šmit moh pieradać biełaruskaj vyviedcy sakretnyja źviestki, što moža nanieści škodu nacbiaśpiecy, piša PAP.
Hałoŭnaj metaj rasśledavańnia źjaŭlajecca vyśviatleńnie ŭsich abstavinaŭ supracoŭnictva Šmita z zamiežnymi vyviedkami, a taksama abjom infarmacyi, jakuju jon moh pieradać.
Pavodle polskich zakonaŭ, Šmitu pahražaje ad vaśmi hadoŭ da pažyćciovaha pazbaŭleńnia voli.
Sudździa Vajavodskaha administracyjnaha suda Varšavy Tomaš Šmit źbieh u Biełaruś 6 maja. Jon daŭ u Minsku pres-kanfierencyju, na jakoj abviaściŭ, što maje namier zapytać u Biełaruś palityčny prytułak.
Polskija śpiecsłužby miarkujuć, što Šmit niekalki hadoŭ kantaktavaŭ ź biełaruskaj raźviedkaj i rasijskimi ahientami ŭ Polščy. Pa słužbie jon mieŭ dostup da sakretnaj i adčuvalnaj infarmacyi.
Čytajcie taksama:
Sudździu, jaki źbieh u Biełaruś, niekalki miesiacaŭ viała polskaja kontrraźviedka
Tusk: Suviaź sudździ Šmita ź Biełaruśsiu maje doŭhuju historyju
Kolki zarablaŭ i jakoj majomaściu vałodaje sudździa, jaki źbieh z Polščy ŭ Biełaruś
Što za sudździa, jaki źbieh z Polščy da Łukašenki? Tomaš Šmit datyčny da źlivu kampramatu na kaleh
Polski sudździa paprasiŭ abarony ŭ biełaruskich uładaŭ
«Zdradnik i padluha». Daradca prezidenta Polščy — pra sudździu Šmita, jaki źbieh u Biełaruś
