Piatro Piatroŭski. Skryn videa: CTVBYvideo / YouTube
Temaj čarhovaj prahramy «Pa sutnaści» stała pytańnie biaśpieki Biełarusi. Udzielniki imknulisia tłumačyć hledačam tezis Łukašenki ab tym, što Biełaruś nie źbirajecca vajavać i «Rasii ciapier patrebnaja takaja Biełaruś».
Viadučyja źviarnuli ŭvahu na pryznačeńnie byłoha namieśnika kamandujučaha ŭnutranymi vojskami Ihara Burmistrava meram Navapołacka — horada, dzie znachodzicca adno z bujnych naftapierapracoŭčych pradpryjemstvaŭ krainy. Ci źjaŭlajecca heta prykładam padrychtoŭki Biełarusi da vajny?
Palitołah Piatro Piatroŭski zaŭvažyŭ: «Naša kraina žyvie ŭ momant nie tolki mabilizacyi dla zabieśpiačeńnia biaśpieki, ale i dla zabieśpiačeńnia ekanomiki, narodnaj haspadarki».
Siońniašniuju situacyju jon acaniŭ jak paŭbłakadu. Ab jakoj śviedčyć skaračeńnie kolkaści pahraničnych pierachodaŭ z boku krain Zachadu ź Biełaruśsiu.
«Stvarajucca ŭsie pieradumovy dla taho, kab całkam zabłakavać nas z hetaha boku», — ličyć palitołah.
Akramia hetaha, Biełaruś adčuvaje «sankcyjnuju ahresiju z boku kalektyŭnaha Zachadu».
Tamu, adznačaje Piatroŭski, «my abaviazany adpaviedna reahavać na padobnyja vykliki. Heta značyć mabilizacyjny typ ekanomiki».
Jak tłumačyć palitołah, «heta značyć nie toje, što my pavinny vyrablać snarady, a toje, što pavinna być žorstkaja dyscyplina i my pavinny być hatovymi vyrablać tuju kolkaść praduktaŭ, jakaja nam nieabchodna. I bolš za toje — impartazamiaščać tyja technałohii, jakija nam nieabchodny, i dostup da jakich nam sprabujuć zakryć, u maksimalna chutkija terminy».
Čytajcie taksama:
Piatro Piatroŭski: Treba ŭvodzić kryminalnuju adkaznaść za nacyjanalizm i libieralizm
