U noč na 29 sakavika apieratyŭnaje kamandavańnie Uzbrojenych sił Polščy padniało ŭ pavietra svaju avijacyju i avijacyju sajuźnikaŭ z-za rakietnaha ŭdaru Rasii pa terytoryi Ukrainy.
Polskija vajskoŭcy papiaredzili svaich hramadzian, što polskija samaloty i samaloty sajuźnikaŭ lotajuć u pavietranaj prastory Polščy, što moža vyklikać šum u paŭdniova-ŭschodniaj častcy krainy.
«Siońnia ŭnačy nazirajecca intensiŭnaja dziejnaść dalokaj avijacyi Rasijskaj Fiederacyi, źviazanaja z naniasieńniem rakietnych udaraŭ pa abjektach, raźmieščanych na terytoryi Ukrainy.
Pačatyja ŭsie nieabchodnyja pracedury dla biaśpieki pavietranaj prastory Polščy», — havaryłasia ŭ paviedamleńni Polskaha apieratyŭnaha kamandavańnia.
A 22-j hadzinie pra pahrozu ŭdarnych BpŁA paviedamili ŭ Kijeŭskaj vobłaści. «Šachiedy» lacieli na Čarnihaŭščynu, Kiravahradčynu, Čarkasy, Vińnickuju i Dnieprapiatroŭskuju vobłaści. Balistyčnyja rakiety byli zapuščanyja z Kryma.
Paśla rakietnaha ŭdaru ŭ Dniapry pačalisia pieraboi z elektryčnaściu. Adznačalisia vybuchi ŭ Kramienčuhu.
Kryłatyja rakiety, vypuščanyja rasijskimi stratehičnymi bambavikami, byli i nad zachodnimi abłaściami Ukrainy.
Čytajcie taksama:
Jašče dźvie avijabomby skinuli rasijskija samaloty na Biełharadskuju vobłaść
Rasijskaja prapahanda pakazała ŭdary pa Ukrainie «za Krokus Sici Choł»
U Adesie paśla nalotu «šachiedaŭ» nie pracuje elektratranspart i — častkova — dziciačyja sady