Nastupstvy rasijskich rakietnych abstrełaŭ u Adesie, 23 lipienia 2023 hoda. Fota: AP / Libkos
Pa słovach kiraŭnika vajennaj administracyi Adeskaj vobłaści Aleha Kipiera, papiarednie 25 pomnikaŭ architektury byli paškodžanyja rasiejcami pry atacy na Adesu hetaj nočču.
Siarod ich budynki XIX-XX stahodździa:
— dom Čyževiča,
— dom Papudavaj,
— dom Zabłudaŭskaha,
— dom Haharyna,
— dom Januša,
— dom Ždanavaj,
— dom Rasiel del Turko,
— dom Masa,
— asabniak Manuk-Bieja,
— dom Kavaleŭskaha,
— dom Pora,
— dom Mašeŭskaha i inšyja.
Histaryčny centr Adesy znachodzicca pad abaronaj JUNIESKA.
Siońnia Rasija vypuściła pa Adeskaj vobłaści 19 rakiet: piać kryłatych «Oniks», try rakiety Ch-22, čatyry «Kalibry», piać rakiet «Iskander-K» i dźvie — «Iskander-M», jak paviedamili ŭ Pavietranych siłach Ukrainy.
Źbić udałosia tolki dzieviać rakiet — čatyry «Kalibry» i piać «Iskander-K».
Paviedamlałasia, što padčas ataki adzin čałaviek zahinuŭ, bolš za 20 paranienyja.
Čytajcie taksama:
