Prezident Biełarusi płanuje prybyć u Kyrhyzstan 30 lipienia dla ŭdziełu ŭ niefarmalnym samicie ADKB.
Pra heta paviedamiła nadzvyčajny i paŭnamocny pasoł Kirhizskaj Respubliki ŭ Respublicy Biełaruś Išankul Bałdžurava 28 lipienia na pres‑kanfierencyi ŭ Minsku.
Pavodle jaje słoŭ, na niefarmalnym samicie prezidenty sami vyznačajuć paradak dnia. «Pavodle našych źviestak, buduć razhledžanyja pytańni infarmacyjnaj biaśpieki ADKB i stvareńnia maładziožnaha łahiera na voziery Isyk‑Kul. Finansavy kryzis, prablemy teraryzmu taksama mohuć stać temami sustrečy», — skazała pasoł.
Dypłamat taksama nie vyklučyła, što ŭ chodzie niefarmalnaha samita prezidenty buduć abmiarkoŭvać pahadnieńnie ab stvareńni kalektyŭnych sił apieratyŭnaha reahavańnia ADKB, jakoje nie padpisała Biełaruś. «Niefarmalny samit nie praduhledžvaje padpisańnia nijakich dakumientaŭ. Ale kali ŭdzielniki ŭhavorać kahości z prezidentaŭ, chto nie padpisaŭ, to mahčymaje padpisańnie na nastupnym aficyjnym samicie», — skazała Bałdžurava.
Stvareńnie Kalektyŭnych sił apieratyŭnaha reahavańnia ADKB było hałoŭnaj temaj samita ADKB u Maskvie 14 červienia. Biełaruś admoviłasia ad udziełu ŭ im z‑za «małočnaha kanfliktu» z Rasijaj.
