Barysaŭski BATE biez asablivych ciažkaściaŭ prajšoŭ druhi kvalifikacyjny raŭnd Lihi čempijonaŭ. Pa sumie dvuch matčaŭ čempijon Biełarusi vyjhraŭ u «Makiedonii» sa Skopje ź likam 4:0.
Pieramoha tydniovaj daŭniny na Bałkanach pakidała pierad BATE vydatnyja šancy na toje, kab praciahnuć baraćbu dla vychadu ŭ hrupavy etap. Makiedoncy pavinny byli zabivać minimum dvojčy, pry hetym nie prapuskajučy.
BATE pačaŭ matč dosyć aktyŭna. U pieršyja chviliny šancy zabić mieŭ Maksim Skavyš, ale nie atrymałasia. Prykładna a dvaccataj chvilinie hulnia zraŭniałasia. Abiedźvie kamandy biazmetna haniali miač nie ŭ siaredzinie pola, nie nabližajučysia da varot.
Adnak kali biełarusy hulać paprostu nie chacieli, vykarystoŭvajučy taryf «Ekanomny», to «Makiedonija» nie mahła. Takaja hulnia praciahvałasia amal da finalnaha śvistka.
Tolki adnojčy hości mieli šancy zabić, ale Sierhiej Vieramko spraviŭsia z udaram u blizki vuhał. Abaronca Siarhiej Sasnoŭski byŭ zabiŭ hoł, ale finski sudździa Toni Asumaa uziaćcie varot nie zaličyŭ praz afsajd.
Zrešty, anałahičnaja situacyja paŭtaryłasia praź niekalki chvilin, i Sasnoŭski znoŭ zabiŭ — 1:0. Heta adbyłosia ŭžo na 83‑iaj chvilinie.
Matč adznačyŭsia taksama pieršym paśla niamieckaj kamandziroŭki vychadam na pole Vitala Radzivonava. I ŭžo ŭ pieršym matč bambardzir adznačyŭsia. Užo ŭ dadatkovy čas Radzivonaŭ udała syhraŭ na dabivańnie paśla ŭdaru Alaksandra Ałumony — 2:0.
Supiernik BATE pa trecim kvalifikacyjnym raŭndzie vyznačycca zaŭtra ŭ Luksiemburhu, dzie miascovy «Dziudziełanž» prymie łatvijski «Vientpiłs». Pieršy matč hetych kamnd skončyŭsia ź likam 3:0 na karyść prybałtaŭ.
