Mastaka Uładzimira Skołyšava zatrymali na jaho aŭtamabili padčas akcyi mirnaha pratestu 20 vieraśnia i pakinuli ŭ izalatary časovaha ŭtrymańnia da suda. 22 vieraśnia jaho asudzili na piać sutak aryštu pa art. 23.34 KaAP — Parušeńnie paradku arhanizacyi abo praviadzieńnia masavych mierapryjemstvaŭ, piša Hrodna.life.
Hrodzieniec adbyvaje pakarańnie ŭ izalatary na Haja, 4. Jon vyjdzie na volu 25 vieraśnia.
Svajaki zatrymanaha paskardzilisia ŭ prakuraturu na dziejańni milicyi. Pry zatrymańni siłavik nastupiŭ Uładzimiru kalenam na šyju. Zatrymanyja, jakija vychodzili ź Leninskaha RAUS 20 vieraśnia, paviedamlali Hrodna.life, što bačyli kroŭ na tvary kiroŭcy. Miedycynskuju dapamohu jamu nie akazvali, nakolki viadoma blizkim.
Pa viersii milicyi, Uładzimir «admoviŭsia pradjaŭlać dakumienty, kanfliktavaŭ ź milicyjantam, a paśla chutka źjechaŭ u bok vulicy Horkaha».
