Pra heta Łukašenka zajaviŭ siońnia padčas nieanansavanaj inaŭhuracyi, piša BiełTA.
«Ciapier my vychodzim z šerahu vyprabavańniaŭ ciažkaha vysakosnaha 2020 hoda. Z abnoŭlenaj miedycynaj i technałohijami, sučasnymi formami samaarhanizacyi i ŭzajemapadtrymki hramadstva. My pravieryli na stresaŭstojlivaść sielskuju haspadarku, značna ŭmacavali našu enierhietyčnuju biaśpieku. Biesprecedentny źniešni cisk tolki zahartavaŭ nas, zrabiŭ bolš rašučymi i bieskampramisnymi ŭ baraćbie za svajo — čužoha nam nie treba», — zajaviŭ Alaksandr Łukašenka.
Jon padkreśliŭ, što kali dziaržavu i čakajuć novyja ispyty, to jana hatova. Uśled za suśvietnymi kryzisami abaviazkova prychodzić raźvićcio, adznačyŭ Łukašenka.
«Miarkuju, što adnaŭleńnie suśvietnaha hramadskaha žyćcia budzie imklivym, tamu možam raźličvać na chutki roskvit novych ekanamičnych, łahistyčnych, technałahičnych i inšych rašeńniaŭ. Nieabchodna ŭvajści ŭ hety «Reniesans», u poŭnaj miery skarystacca jaho mahčymaściami, raźvivajučy toje, što nam pad siłu», — skazaŭ Łukašenka.
