rubaltic.ru
AT «Kalininhradski marski handlovy port» vałodaje mahčymaściami dla pryjomu biełaruskich hruzaŭ, zajaviŭ «Interfaksu» prezident, staršynia praŭleńnia porta Andrej Kaleśnik.
«Kali hruzaadpraŭščyki Biełarusi ŭsio ž vyrašacca na źmianieńnie eskortnych patokaŭ z partoŭ Bałtyi na Rasiju, Kalininhrad moža prapanavać im svaje pasłuhi. Ciapier pieravałačnyja mahutnaści našaha porta surjozna niedahružanyja. Heta datyčycca i kompleksu pa pieravałcy mazutu, i placoŭki navałačnych hruzaŭ. Da prykładu, u hetym hodzie na ekspart syšło tolki 63 tysiačy ton naftapraduktaŭ, u toj čas jak u lepšyja hady my pieravalvali da 540 tysiač ton», — skazaŭ Kaleśnik.
Pavodle jaho słoŭ, pytańnie ab mahčymaj pieravałcy biełaruskich hruzaŭ praz Kalininhrad uzdymałasia na praciahu apošnich 20 hadoŭ, u tym liku i na miždziaržaŭnym uzroŭni. Razmova, pierš za ŭsio, išła mienavita ab eksparcie kalijnych uhnajeńniaŭ. Port byŭ hatovy inviestavać surjoznyja srodki ŭ raźvićcio śpiecyjalizavanaha terminała. Adnak pa samych roznych pryčynach hetyja prajekty tak i zastalisia na papiery.
«Ale i siońnia hetaje pytańnie vyrašajem. Navat z ulikam taho fakta, što biełaruskija hruzy pojduć tranzitam praź Litvu ŭ Kalininhrad, a nie ŭ port Kłajpiedy. Partniory mohuć padniać čyhunačny taryf u adkaz na rašeńnie Biełarusi. Ale tady Litva pazbavicca nie tolki dachodaŭ ad čyhunačnaha tranzitu, ale i dachodaŭ ad pieravałki ŭ Kłajpiedzie, kali brackaja respublika admovicca ad ekspartu praz hety port», — adznačyŭ Kaleśnik.
Situacyja z hruzapatokam ź Biełarusi niaprostaja, ale jana ŭ bolšaj stupieni zaležyć mienavita ad rašeńnia jaje ŭładaŭ, zaklučyŭ top-mieniedžar.
