AAN pavinna zaklikać urad Biełarusi da pierachodu ŭłady. Takoje mierkavańnie vykazaŭ prezident Litvy Hitanas Naŭsieda, vystupajučy ŭ aŭtorak na ahulnapalityčnych debatach 75-j siesii Hienieralnaj Asamblei (HA) AAN. Ahulnapalityčnyja debaty HA prachodziać z 22 pa 29 vieraśnia ŭ farmacie zahadzia zapisanych videavystupaŭ, piša TASS.
«Fundamientalnyja asnovy demakratyčnaha hramadstva i svabody słova, jak i pravy na samavyznačeńnie, znachodziacca pad atakaj u Biełarusi, — skazaŭ jon. — Pryjšoŭ čas abaranić kaštoŭnaści mižnarodnaj supolnaści». Na dumku Naŭsiedy, «AAN pavinna ŭvažliva sačyć za situacyjaj u Biełarusi, zaklikać jaje ŭłady ŭstrymlivacca ad prymianieńnia siły, zabiaśpiečvać zachavańnie pravoŭ čałavieka, a taksama pačać pierachod ułady».
Prezident Litvy taksama prakamientavaŭ situacyju vakoł Alaksieja Navalnaha.
«Jak pakazvaje niadaŭni vypadak z atručvańniem Alaksieja Navalnaha, u niekatorych krainach cisk na siły apazicyi chutka pierarastaje ŭ dziejańni, jakija pahražajuć žyćciu», — adznačyŭ jon, zaklikaŭšy «znajści i pakarać vinavatych» dla «zachavańnia mižnarodnaha paradku».
