Stała viadoma, jakija sumy i ź jakich krynic vydatkavali na arhanizacyju praŭładnaha žanočaha forumu ŭ «Minsk-Arenie» 17 vieraśnia, piša TUT.by.
Na sajcie nacyjanalnaha centra markietynhu i kanjunktury cen źjaviłasia infarmacyja pra dziaržzakupki dla hetaha kancertu. Ahulnaja prykładnaja suma — 146,5 tysiačy rubloŭ. Krynica finansavańnia — biudžetnyja srodki.
Hetyja hrošy pryznačalisia dla absłuhoŭvańnia abstalavańnia «Minsk-Areny», a taksama na pracu techničnaha dyrektara i apieratara aśviatlalnaha abstalavańnia. Pry hetym sami abstalavańnie i kancertnaja placoŭka, miarkujučy pa dziaržzakupkach, davalisia biazvypłatna.
Zakazčykam hetaj dziaržzakupki vystupała Dziaržaŭnaja ŭstanova «Minskkancert». U arhanizacyi raspaviali, što adkazvali za techničnuju častku kancertu — abstalavańnie, placoŭku na «Minsk-Arenie».
Miarkujučy pa infarmacyi ź dziaržzakupki, abstalavańnie, za jakoje adkazvaŭ Pałac Respubliki, padavałasia pad žanočy forum biazvypłatna. Pavodle niekatoraj infarmacyi, jak minimum častku abstalavańnia taksama dała inšaja kampanija. Na absłuhoŭvańnie biazvypłatna pieradadzienaha abstalavańnia vyłučałasia suma ŭ 99,6 tysiačy rubloŭ.
Na absłuhoŭvańnie biazvypłatna pieradadzienaha abstalavańnia i pamiaškańniaŭ «Minsk-Areny» była zakładziena suma ŭ 44,3 tysiačy rubloŭ (z akruhleńniem).
U «Minskkancercie» rastłumačyli, što hetyja hrošy pryznačalisia ŭ tym liku na apłatu spažytaj elektraenierhii na «Minsk-Arenie», pieravozku abstalavańnia, apłatu pracy tych, chto ŭsim hetym zajmaŭsia.
Dziaržzakupka taksama mierkavała apłatu techničnamu dyrektaru (miarkujučy pa ŭsim, hetuju pracu vykonvaŭ jak fizasoba Siarhiej Kabyka). Suma — 2350 rubloŭ. Taksama była praduhledžana apłata pracy apieratara aśviatlalnaha abstalavańnia (vykonvaŭ, miarkujučy pa zajaŭcy, indyvidualny pradprymalnik Alaksandr Bobiel), suma — 230 rubloŭ.
Ahulnaja suma pa ŭsich pazicyjach — 146 tysiač 483 rubli 24 kapiejki. U «Minskkancercie» ŭdakładnili, što hetaja suma prykładnaja. Pa fakcie vykanańnia raboty jana moža adroźnivacca.
Košt transpartu, na jakim žančyn źvieźli ŭ «Minsk-Arenu», hanarary artystam i kupla ściahoŭ — heta ŭsio asobnyja hrošy.
