U Homielskaj vobłaści kiroŭca aŭto ŭ stanie ałkaholnaha apjanieńnia pieravoziła traich małaletnich, ź jakich tolki adzin znachodziŭsia ŭ dziciačym kreśle, paviedamili ŭ MUS.
Supracoŭniki adździeła DAI Rečyckaha RAUS 18 vieraśnia źviarnuli ŭvahu na Kia Pride: kiroŭca pieravoziła dziaciej z parušeńniem PDR. U sałonie lehkavuški znachodzilisia troje małaletnich, jak vyśvietliłasia, va ŭzroście ad 6 miesiacaŭ da 7 hadoŭ, ale tolki adzin ź ich byŭ u dziciačym kreśle. U chodzie hutarki z aŭtamabilistkaj milicyjanier zapadozryŭ, što jana moža być pjanaja.
Žančynie prapanavali prajści miedycynski ahlad. Jaho vynik — 1,24 pramile ałkaholu ŭ vydychanym pavietry. Svoj stan jana patłumačyła prablemami ŭ siamji. Razam ź dziećmi hramadzianku advieźli dadomu.
Skłali administracyjny pratakoł za kiravańnie transpartnym srodkam u stanie ałkaholnaha apjanieńnia, a taksama za parušeńnie praviłaŭ pieravozki dziaciej.
