Fota Vadzim Zamiroŭski, TUT.BY
U Ministerstvie pa padatkach i zborach papiaredzili, što niekatoryja elektronnyja servisy 22 vieraśnia mohuć pracavać sa zbojami, piša tut.by.
Niekatoryja padatkovyja elektronnyja servisy 22 vieraśnia mohuć pracavać sa zbojami. Ab hetym paviedamili ŭ ministerstvie pa padatkach i zborach. Časovyja ciažkaści z dostupam mahčymyja z-za zapłanavanych techničnych rabot.
U Ministerstvie ŭdakładnili, što 22 vieraśnia z-za płanavych rabot u Respublikanskim centry apracoŭki dadzienych z 14.00 da 18.00 mahčymyja zboi ŭ pracy servisaŭ elektronnaha dekłaravańnia, asabistaha kabinieta płacielščyka i inšych servisaŭ na partale MPZ.
Na partale taksama dastupnyja Je-PDV zamiežnaj arhanizacyi, servis dla pošuku infarmacyi ab staŭkach, anłajn-kalkulatar padatkaŭ. Karystalniki taksama mohuć pahladzieć infarmacyju ab arhanizacyjach i indyvidualnych pradprymalnikach, u jakich jość zapazyčanaść pa padatkach i pošlinach.
Praz Asabisty kabiniet fizasoby, da prykładu, mohuć u liku inšaha padać padatkovuju dekłaracyju abo aformić atrymańnie elektronnych paviedamleńniaŭ na vypłatu padatkaŭ, da prykładu ziamielnaha.
Nahadajem, raniej chakiery pahražali ŭzłamać padatkovyja servisy. U MPZ zajavili, što nie bačać pieradumoŭ dla zbojaŭ u pracy elektronnych servisaŭ, bo «jany majuć dastatkovuju abaronienaść»
