Siarhieja Šukana, jaki źbiŭ hitarysta «Lapisa Trubiackoha» Rusłana Uładyku, asudzili na 5 hadoŭ kałonii strohaha režymu. Prysud byŭ ahučany 21 vieraśnia ŭ sudzie Maskoŭskaha rajona Minska. Mužčynu pryznali vinavatym u pryčynieńni śmierci pa nieaściarožnaści, piša Jeŭraradyjo.
Taksama padsudny pavinien zapłacić maralnuju kampiensacyju siastry i maci muzyki — 10 000 i 30 000 rubloŭ.
U kamientary Jeŭraradyjo maci Uładyki, Valancina Piatroŭna, skazała, što raźličvała na bolš surovy prysud — 10 hadoŭ, bo prakuror prasiŭ pryznačyć 11. Da taho ž, svajaki Rusłana ličać, što napadnikaŭ było niekalki.
Samo zdareńnie adbyłosia bolš za hod tamu. Uviečary 6 lipienia 2019-ha hitarysta hurta «Lapis Trubiacki» Rusłana Uładyku znajšli źbitym u nieprytomnym stanie kala bara na vulicy Sołtysa. Muzyku špitalizavali, jamu zrabili niekalki apieracyj. Adnak vyratavać Rusłana daktary nie zmahli. Jon paŭhoda prabyŭ u komie i 19 studzienia 2020 hoda pamior.
