Nacyjanalny bank Biełarusi prainfarmavaŭ banki ab mahčymaści prymianieńnia i na praciahu 2021 hoda šerahu kontrcykličnych mier, jakija dziejničajuć da kanca 2020 hoda dla źmiakčeńnia ŭpłyvu niehatyŭnych faktaraŭ na ich dziejnaść.
«Na padstavie praviedzienaha analizu pryniataje rašeńnie ab nadańni bankam mahčymaści prymianieńnia asobnych kontrcykličnych mier u 2021 hodzie», — havorycca ŭ liście NBB, jaki pastupiŭ u adras bankaŭ, ź jakim aznajomiŭsia «Interfaks».
Adnačasova NBB nastojliva rekamiendavaŭ bankam admovicca ad vypłaty dyvidendaŭ pa vynikach 2020 hoda.
Mahčymaści pa vykarystańni bankami kontrcykličnych mier, u tym liku i častki źmiakčeńnia šerahu nahladnych patrabavańniaŭ, zaćvierdžany pastanovaj NBB N298 ad 18 vieraśnia 2020 hoda.
U liście adznačajecca, što z ulikam pryniatych mier pa padtrymcy bankaŭskaha siektara rehulatar čakaje ad bankaŭ prytrymlivańnia rekamiendacyj, jakija nakiroŭvalisia ŭ sakaviku hetaha hoda. U pryvatnaści, tady NBB rekamiendavaŭ bankam nakiravać u 2020 hodzie prybytak za 2019 hod u reziervovy i statutny kapitały i nie vypłačvać dyvidendy akcyjanieram.
