Fota Nadziei Bužan
Ad siońnia, 6 žniŭnia, u miedycynskim centry «Łade» u Minsku (u centrach na pr. Niezaležnaści, 58A i Hikały, 1) pačynajuć vykonvacca testy na vyjaŭleńnie antyciełaŭ IgG i IgM da SARS-COVI-2, paviedamlajecca na sajcie miedcentra.
Antycieły pakazvajuć, ci pierachvareŭ čałaviek na karanavirus i ci farmujecca ŭ jaho imunitet. Pry vyjaŭleńni stanoŭčaha IgM mahčymaja najaŭnaść vostraj infiekcyi.
Zrabić test moža luby achvotny, nakiravańnie doktara nie patrabujecca. Cana pasłuhi — 26,52 rubla biez koštu zaboru kryvi i rehistracyi.
Vyniki buduć hatovyja abo ŭ hety ž dzień, abo na nastupny, pry žadańni vysłanyja na elektronnuju poštu. Taksama možna zamović pasłuhu na terminovaje vykanańnie testu — za 2-3 hadziny (pr. Niezaležnaści, 58A).
Raniej pra toje, što buduć rabić testy na antycieły, zajavili miedycynskija łabaratoryi «Sinevo» i «Sinłab». Taksama ich robić płatna šerah paliklinik i balnic, u pryvatnaści, 2-ja i 4-ja balnicy.
