Rasii i Biełarusi nieabchodna pravieści invientaryzacyju intehracyjnych darožnych kart, skancentravaŭšy ŭvahu na ekanamičnaj intehracyi i prybraŭšy niepatrebnuju palityzacyju pracesu. Pra heta zajaviŭ u paniadziełak žurnalistam pasoł Rasii ŭ Biełarusi Dźmitryj Mieziencaŭ, paviedamlaje TASS.
«Pieramovy, jakija praviali Michaił Uładzimiravič Mišuścin i Raman Alaksandravič Hałoŭčanka ŭ Maskvie 14 lipienia i ŭ Minsku 17 lipienia, paćviardžajuć uzajemnuju vysokuju zacikaŭlenaść bakoŭ. Pytańnie ŭ tym, što treba sadzicca za stoł pieramovaŭ i razmaŭlać, vieści invientaryzacyju intehracyjnych darožnych kart i bačyć realnuju pierśpiektyvu», — adznačyŭ pasoł.
Mieziencaŭ ličyć, što ŭ hetym napramku treba «prajaŭlać volu, naporystaść», dziejničać «biez bojazi i zališniaj i niepatrebnaj palityzacyi intehracyjnaj raboty Sajuznaj dziaržavy».
Dypłamat adznačyŭ, što jamu nieviadoma pra toje, ci zachoŭvajucca płany stvareńnia nadnacyjanalnych orhanaŭ u miežach Sajuznaj dziaržavy.