Naziralniki z klučavych akruhaŭ apazycyi ŭ stalicy: nikoha da padliku hałasoŭ nie padpuskajuć. Pavodle apošnich źviestak CVK, u vybarach uziali ŭdzieł 75,3 % vybarcaŭ. Psychadelika ŭ Miensku: moładź prajšła ad Kastryčnickaj da Płoščy Niezaležnaści i nazad pad hučnuju pop-muzyku, jakuju ŭłady tranślujuć z dynamikaŭ.
Moładź ciešyłasia mahčmaści vykazać svaju pazycyju svabodna choć adzin viečar.
Milinkievič i Kazulin pryjšli na Płošču razam.
Novaja arhanizacyja — «Moładź za Biełaruś».
Byli namioty, ale tolki śmiecham.
Junaki zapalili fajery.
Nastu Pałažanku kampanija dyskredytacyi nie złamiła.
Demanstranty dajšli da płoščy Niezaležnaści.
Sioj-toj ź ich uskaraskaŭsia navat na pomnik Leninu.
23:18 Uładzimier Navumaŭ zaznačyŭ, što Ministerstva ŭnutranych spraŭ rasceńvaje siońniašni mitynh u stalicy jak hrubaje parušeńnie hramadzkaha paradku.
23:17 Staršynia CVK Lidzija Jarmošyna vykazała mierkavańnie, što pałata pradstaŭnikoŭ budzie sfarmavana ŭžo paśla pieršaha turu.
22:32 Aleś Michalevič kaža, što na jahonych učastkach (Uruckaja vybarčaja akruha) adbyłasia «tatalnaja zamiena biuleteniaŭ».
22:28 Akcyja skončana. Franak Viačorka zaklikaŭ usich razychodzicca.
22:24 Makajeŭ zaklikaŭ zaŭtra sabracca ŭ Kurapatach. Bo tradycyjna hramadzkaść u hety dzień źbirajecca va ŭročyščy, kab pamianuć pamiać rasstralanych.
Z Salihorsku paviedamlajuć, što kandydata ad AHP Alaksandra Cacuru staviać na 3-je miesca (Salihorskaja haradzkaja akruha № 75), pradstaŭnika «Eŭrapiejskaj Biełarusi» Viktara Jaŭmienienku — na 2-je miesca. Jaŭhien Abalenski — 1-šy.
22:22 Vystupaje pradprymalnik Aleś Makajeŭ, jahony vystup samy emacyjny z usich.
Jon raskazvaje pra padtasoŭki, dzie bałatujecca pradprymalnica Mironava (Masiukoŭščynskaja № 107).
Pajšoŭ lohki doždžyk i ludzi praciahvajuć razychodzicca.
22:15 Volha Kazulina zajaviła, što treba damahacca novych vybaraŭ.
Alaksandar Kazulin padziakavaŭ moładzi za padtrymku.
Zaraz na płoščy kala 200 čałaviek.
Lideraŭ ADS niama. Darečy i pres-kanferencyja ADS, zaplanavanaja na 23-ju, admieniena.
22:12 Vystupiŭ Alaksandar Kazulin, trymajučy ŭnuka na plačach.
Jon skazaŭ, što pa źviestkach, jakija nadychodziać z učastkaŭ, dzie idzie Volha Kazulina, za jaje abviaščajuć mienš hałasoŭ, čym navat było sabrana podpisaŭ u jaje padtrymku.
22:06 Narod hrupujecca na hanku Pałacu respubliki.
22:04 Hałava pryjšła na Płošču, a tut pakazvajuć Jarmošynu (pres-kanferencyja). Usie kryčać «Hańba».
22:02 Znoŭ viarnulisia na chodniki. Hałava kalony padychodzić da Płoščy.
22:00 Kala «Makdonaldzu», kab nie spuskacca ŭ pierachod, kalona znoŭ vyjšła na praspekt i zaniała krajniuju levuju pałasu.
21:55 Chvost kalony minuŭ KDB. Usie iduć pa chodnikach.
21:50
Pavodle apošnich źviestak CVK, u vybarach uziali ŭdzieł 75,3 % vybarcaŭ.
Na Bieraściejščynie prahałasavali 70,7 % vybarcaŭ, Viciebščynie – 86,8 %, Haradzienščynie – 78,5 %, Homielščynie – 78,7 %, u Mienskaj vobłaści — 78,4 %, Mahiloŭskaj – 76,8 %, u Miensku – 61,8 %, paviedamlaje BIEŁTA.
Vyniki pa deputatach buduć niedzie apoŭnačy abiacajuć u CVK.
21:47 Z dynamikaŭ danosicca «Polka biełaruskaja».
«U mianie štany małyja, i spadnica vuzkaja», — padpiavajuć udzielniki mitynhu.
21:42 Namioty pakinuli la Domu ŭradu jak symbal pałatki.
21:40 Daškievič zaklikaŭ viartacca na Kastryčnickuju.
21:34 Vystupili Źmicier Barodka, Franak Viačorka, Źmicier Daškievič, Mikoła Statkievič.
Mikoła Statkievič zajaviŭ, što «my siońnia pierakanalisia, što nikoha nie puściać u parlament».
«Uładu ŭ Łukašenki možna vybić razam z zubami, i my pavinny heta zrabić», —
skazaŭ Statkievič.
Znoŭ staviać namioty. Hetym razam la Domu ŭradu.
21:31 Na Kastryčnickaj čałaviek z 20. Na čale z Kazulinym.
21:29 Što da CVK, to jon daść źviestki, «kolki čałaviek uziali ŭdzieł u vybarach» a 22:00.
21:24 Vystupaje Jaŭhien Afnahiel. Jon zaklikaje da novych vybaraŭ. Na płoščy niedzie 1 200 — 1 300 čałaviek.
Ludzi hukajuć «Hańba» i žartujuć: «Dzie milicyja? Nieparadak!».
Sioj-toj zalez sa ściaham na pomnik Lenina. Nichto z pomnika, naturalna, za ruki nie ciahnie.
Ludmiła Hraznova raskazvaje, što, sa słovaŭ jaje naziralnikaŭ, da padliku hałasoŭ nikoha nie padpuskajuć, ale, vizualna, vyšynia stosaŭ nie supadaje z vynikami padliku, jakija abviaščajuć.
21:22 Udzielniki akcyi raźmiarkoŭvajucca pa prystupkach vakoł Domu ŭradu. Tolki dziasiatak ludziej u cyvilnym, jakija prykidvajucca drevami.
Razhuł demakratyi, žartujuć udzielniki akcyi.
Chutka maje pačacca mitynh.
21:19 Natoŭp spyniŭsia la Čyrvonaha kaściołu.
21:18 Pryjšli na płošču Niezaležnaści. Milicyiju jak vajnoj pabiła. H.zn. nivodnaha čałavieka.
Na płoščy z dynamikaŭ hraje vielmi hučna muzyka z savieckich kinafilmaŭ, napr. z «Bryljantavaj ruki». Cukierak znoŭ nie dajuć. Zatoje stajać pałatki ź pivam «Krynica».
Pryhoža fantanirujuć fantany. Nastroj va ŭsich śviatočny.
21:14 Źmicier Daškievič skazaŭ: «My idziem patrabavać sumlennych vybaraŭ, ale zastavacca na noč nia budziem». Namioty niasuć u kalonie.
21:10 Rušyli dalej. Napieradzie idzie Jaŭhien Afnahiel, Artur Fińkievič. U adroźnieńnie ad padziej čatyrochhadovaj daŭniny nichto da pratestantaŭ nia vyjšaŭ i čaju nie prapanavaŭ.
21:08 Kalona spyniłasia kala budynka KDB. Kryčać «Hańba».
U kalonie kala 700 čałaviek. Adzin z pravadyroŭ Artur Fińkievič.
Darečy, na impravizavanym mitynhu la Pałacu respubliki Siarhiej Kalakin zaklikaŭ nie pryznavać vybary, nazvaŭšy ich niezakonnymi.
21:04 Za HUMam viarnulisia na chodniki. Chto hałoŭny, niezrazumieła.
21:00
Hałava kalony ŭžo kala HUMu, zaniali pałovu prajezžaj častki, niama nivodnaha milicyjanta, navat DAIšnikaŭ niama.
Jak paviedamlajuć nam naziralniki z Uručča, na adnym z učastkaŭ va Ŭruckaj vybarčaj akruzie Aleś Michalevič «zaniaŭ» apošniaje, treciaje, miesca,prajhraŭšy načalniku Vajennaj akademii Ihnatu Misurahinu ź likam 800 na 200. Na druhim miescy finansavy dyrektar PUP «Viasioły apelsyn» Siarhiej Tarluk.
20:59 Vyjšli na praspekt la «Makdolnadzu», zaniali krajnie pravuju pałasu. Napieradzie raściažka: «My za vybary, ale suprać farsu». Nikoha ź lideraŭ napieradzie kalony niama.
20:57 Hałava kalony la «Makdonaldzu». Symbalična, što pakul ADS ładziła pres-kanferencyju, moładź pajšła svaim šlacham.
20:51 Na prystupkach Pałacu respubliki raspačałasia pres-kanferencyja Kalakina, Viačorki, Śviackaj.
Častka moładzi zapaliła fajery niby na futbole i rušyła ŭzdoŭž praspektu ŭ bok Płoščy Niezaležnaści.
Kala pałovy tych, chto pryjšoŭ, — kala 500 čałaviek. Pierajšli vulicu Enhielsa.
Častka ludziej zastałasia na płoščy la namiotaŭ.
20:45 La namiotaŭ čujucca zakliki, kab jany prastajali jak mahu bolej, kab ludzi, što pracujuć naziralnikami, udzielničajuć u padlliku hałasoŭ, mahli dałučycca da pratestu.
20:33 Na płoščy ustalavanyja dva zialonyja namioty. Adkaznaść na siabie biare «Moładź — za Biełaruś».
Źjaviŭsia Aleś Michalevič. Milinkievič i Kazulin razdajuć interviju i aŭtohrafy.
Niejki chłopiec zalez na «pačatak usich daroh Biełarusi» i machaje ściaham.
20:28 Naviny z Horadni. U budynku KDB haryć (elektryčnaje śviatło!) bolš za pałovu voknaŭ. Nikoli tak doŭha kdbistyja nie pracavali, kažuć staražyły.
Mnoha mnoha pjanych na vulicach. Nie kadebistaŭ kaniečnie, a moładzi.
20:26 Častka mitynhoŭcaŭ rušyła da Pałacu prafsajuzaŭ. Zaraz na płoščy kala tysiačy čałaviek.
20:21 Na ANT pakazvajuć, jak hałasujuć biełarusy Łondana. Staršynia Akademi navuk Michaił Miaśnikovič. U Miensku, a nie Łondanie jon hałasuje.
20:19 Z advarotnaha boku prajeznaj častki stajać niekalki dziasiatkaŭ čałaviek i sočać za padziejami.
Mašyny, što prajaždžajuć, syhnalać. Na płoščy užo kala 1 000. Jość vierahodnaść, što ludzi padyjduć paśla padliku hałasoŭ.
20:15 Źjavilisia Kazulin i Milinkievič.
Ich vitajuć vokličami «Vierym, možam i pieramožam». Kazulin z unukam, i dačkoj Volhaj. Milinkievič ź Inaj Kulej. Narod paciahnuŭsia da pravadyroŭ.
20:10 Źjavilisia maładyja ludzi z aranžavymi ściahami i jany razdajuć aranžavyja stužački. Heta, kažuć, inicyjatyva "Moładź — za Biełaruś".
20:08 Viktar Ivaškievič pryjšoŭ na płošču ... z adnym ściaham. Na lahičnaje pytańnie «Čamu?», jon kaža, za apošnija dni ja staŭ eŭraskieptykam, i Eŭrasajuz musić zasłužyć, kab ja u budučyni nasiŭ ściah ES.
Ludziej boleje — užo čałaviek 500-600. Ludzi praciahvajuć padciahvacca na Płošču.
20:04 Milicyja naahuł kaža, što jana nie pry działach.
Pravakatar praciahvaje niešta vykrykvać.
Ciapier na Płoščy prykładna čałaviek 300—400. Pačynajuć hukać «Žyvie Biełaruś», «Daješ novyja vybary».
Na Płoščy prysutniajuć staršynia Partyi BNF Lavon Barščeŭski. Franak Viačorka, Pavał Sieviaryniec, Źmicier Chviedaruk.
Mužčyna z mehafonam zaklikaje padychodzić bližej da prajeznaj častki.
19:57 Uźniaty pieršy vielizarny bieł-čyrvona-bieły ściah. Ciapier na płoščy čałaviek 200 (paroŭnu ŭdzielnikaŭ i paroŭnu žurnalistaŭ).
Źjaviŭsia pieršyja pjany pravakatar, jon vykrykvaje antyhabrejskija łozunhi.
Uźniatyja jašče try ściahi i adzin ściah Partyi BNF.
Źjaviŭsia ściah Eŭrasajuzu.
19:50 Aŭtobus № 100 chodzić vielmi redka, i na prypynkach tłumy. Aŭtobusaŭ № 33 našy karespandenyt taksama nie zaŭvažyli, choć ich i pakinuli na čas zakryćcia stancyi metro Kastryčnickaja.
* * *
Milicyja darečy siońnia zajaviła, što nijakich pieraškodaŭ udzielnikam mitynhu čynić nia budzie. «U ludziej śviata, i ŭ nas — śviata».
19:42
Na płoščy mnoha žurnalistaŭ, narodu ž pakul mała , staić 20-30 maładafrontaŭcaŭ. Ściahoŭ i transparantaŭ niama.
Chapaje ludziej u cyvilnym, ale jany nie zaminajuć ludziam źbiracca.
Na Płoščy pakul spakojna. Na Kamunistyčnaj, la ofisu ANT niekalki aŭtobusaŭ sa specnazam i ŭsiaho adzin aŭtazak.
