U niadzielu, 18 červienia, u Minsku prajšoŭ XI źjezd Kansiervatyŭna-chryścijanskaj partyi BNF. U pracy źjezda brali ŭdzieł 101 delehat.
Mierapryjemstva pačałosia z chviliny maŭčańnia pa tym siabrach arhanizacyi, jakija adyšli za apošnija hady, a taksama pa Julii Kačuk, dačce zelvienskaha aktyvista KCHP-BNF.
Byŭ zasłuchany dakład Zianona Paźniaka «Nabližajma volnuju Biełaruś».
«U ciažkich umovach akupacyjnaha antybiełaruskaha režyma siabry Partyi zachavali aptymizm i vieru ŭ pieramohu, zdoleli svaim prykładam i svaimi idejami pierakanać značnuju častku našaha hramadstva ŭ nieabchodnaści zmahańnia za volnuju, demakratyčnuju i niezaležnuju Biełaruś — naš ahulny Dom», — havorycca ŭ pres-relizie partyi.
Vyhladaje, što jašče bolšuju krytyku za ŭłady zaznała tak zvanaja «psieŭdaapazicyja».
U vyniku Zianon Paźniak byŭ adzinahałasna pieraabrany staršynioj partyi. Nie adbyłosia ratacyi i na astatnich pasadach. Juryj Bieleńki zastajecca vykanaŭcam abaviazkaŭ staršyni ŭnutry Biełarusi, a Siarhiej Papkoŭ — namieśnikam staršyni.
Zianonu Paźniaku 73 hady. Ad 1996 hoda jon znachodzicca ŭ emihracyi. KCHP-BNF Paźniak biaźmienna ŭznačalvaje ad 1993 hoda.