Parłamient Šatłandyi pryniaŭ prapanovu ab paŭtornym refierendumie ab niezaležnaści, praviadzieńnia jakoha damahajecca pieršy ministr Nikoła Sterdžen, paviedamlaje VVS.
Deputaty pahadzilisia pravieści novaje hałasavańnie pamiž vosieńniu 2018 hoda i viasnoj 2019-ha — jak i nastojvała pieršy ministr Šatłandyi.
Za novy refierendum, prahałasavali 69 deputataŭ rehijanalnaha parłamienta, suprać — 59.
U Šatłandyi nie zhodnyja z vynikami refierendumu ab siabroŭstvie Brytanii ŭ ES. Bolšaść šatłandcaŭ — 62% — u chodzie praviedzienaha ŭ červieni 2016 hoda refierendumu prahałasavali za zachavańnie siabroŭstva krainy ŭ Jeŭrasajuzie.
Pa zakonie, pierad tym jak padavać zapyt ab refierendumie va ŭrad Brytanii, Sterdžen pavinna atrymać dazvoł šatłandskaha parłamienta.
Brytanski ŭrad užo zajaviŭ, što zabłakuje ŭsie sproby praviadzieńnia novaha refierendumu ŭ Šatłandyi da zakančeńnia pracedury «breksitu».
U vieraśni 2014 hoda ŭ Šatłandyi ŭžo pravodziŭsia refierendum ab niezaležnaści ad Brytanii. Prychilniki niezaležnaści tady prajhrali: 55,3% šatłandcaŭ prahałasavali suprać vychadu Šatłandyi sa składu Złučanaha Karaleŭstva.
