Adbyłasia telefonnaja razmova Alaksandra Łukašenki z prezidentam Kyrhyzstana Ałmaźbiekam Atambajevym, paviedamili ŭ pres-słužbie kiraŭnika biełaruskaj dziaržavy.
Atambajeŭ zaprasiŭ Łukašenku na pasiadžeńnie Vyšejšaha Jeŭrazijskaha ekanamičnaha savieta dla abmierkavańnia aktualnych pytańniaŭ i prablem. Čarhovy samit lidaraŭ krain Jeŭrazijskaha ekanamičnaha sajuza zapłanavana pravieści ŭ krasaviku-mai 2017 hoda ŭ Biškieku.
Na paradku dnia ŭ čas telefonnaj razmovy kiraŭnikoŭ dziaržaŭ taksama byli pytańni dvuchbakovych adnosin, u pryvatnaści pašyreńnia handlova-ekanamičnaha supracoŭnictva.
Biełaruś i Kyrhyzstan aktyŭna ŭzajemadziejničajuć u ekanamičnaj śfiery. Tavaraabarot pa vynikach 2016 hoda skłaŭ $53,2 młn, što krychu mienš za pakazčyki 2015 hoda. U studzieni biahučaha hoda adznačany značny rost uzajemnaha handlu z Kyrhyzstanam. Tavaraabarot u paraŭnańni z anałahičnym pieryjadam 2016 hoda pavialičyŭsia ŭ try razy.
Łukašenka i Atambajeŭ vykazali ŭzajemnuju zacikaŭlenaść u dalejšym naroščvańni abjomaŭ handlova-ekanamičnaha supracoŭnictva pamiž dźviuma krainami.
