Na praciahu 21—22 sakavika biełaruskija śpiecsłužby zatrymali jak minimum 17 čałaviek, jakich padazrajuć u «navučańni ci inšaj padrychtoŭcy da ŭdziełu ŭ masavych biesparadkach, a taksama finansavańni ci inšym materyjalnym zabieśpiačeńni takoj dziejnaści» (častka 3 artykuła 293 Kryminalnaha kodeksa).
Valeryj Vakulčyk, staršynia KDB. Fota BiełTA.
Pakarańnie pa hetym artykule — aryšt na termin da šaści miesiacaŭ abo pazbaŭleńnie voli na termin da troch hadoŭ.
Na dadzieny momant pravaabaroncy-viasnoŭcy sabrali infarmacyju pra 17 čałaviek, mahčyma, datyčnych da hetaj kryminalnaj spravy. Śpis asobaŭ dapaŭniajecca i miescy ich utrymańnia vyśviatlajucca:
- Abramaŭ Alaksiej Anatoljevič, nar. 17.08.1979
- Afnahiel Jaŭhien (mierkavana, status vyśviatlajecca)
- Barstok Siarhiej Piatrovič
- Hrek Illa Hienadźjevič, nar. 11.11.1992 — nam. načalnika pa ideałohii ŭ Smarhonskim pamiežnym atradzie, Hrodzienskaja vobłaść.
- Huryn Juryj (u SIZA KDB)
- Daniłaŭ Viktar
- Daškievič Źmicier (u SIZA KDB)
- Dukšt Viačasłaŭ Alaksandravič, nar. 19.04.1992 — Marjina Horka. Śpiecnazaviec.
- Dundukoŭ Andrej Viačasłavavič, 1985 h.n., ratavalnik respublikanskaha atrada śpiecyjalnaha naznačeńnia, praparščyk.
- Komlik-Jamacin Andrej, vyrabnik adzieńnia.
- Łazoŭski Mirasłaŭ Uładzimiravič, 1973 h.n.
- Leŭčanka Arciom (u SIZA №1)
- Maksim S.
- Michalkoŭ Jan Mikałajevič, vajskoviec.
- Paškievič Cimur
- Strybulski Siarhiej (mierkavana, status vyśviatlajecca)
- Jaŭdacha Alaksandr Anatoljevič, 1975 h.n., handlar knihami. (u SIZA KDB).
Niekatoryja ź ich byli datyčnyja da aficyjna zarehistravanaha patryjatyčnaha letnika pad Asipovičami, jaki śpiecsłužby vydajuć za łahier bajevikoŭ.