fota Arcioma Harbaceviča
Bolš za 300 čałaviek pratestavali na płoščy Lenina ŭ Baranavičach.
Da pratestoŭcaŭ pryjechaŭ staršynia Abjadnanaj hramadzianskaj partyi Anatol Labiedźka.
Pałymianaja pramova aburanaha biełarusa ŭ Baranavičach.
Mužčyna maje vyšejšuju adukacyju ŭ śfiery mižnarodnaj ekanomiki, viedaje niekalki zamiežnych movaŭ, pracavaŭ u Indyi.
Jon narakaje na toje, što moža znajści sabie rabotu ŭ luboj krainie śvietu, ale nie moža znajści doma — u Baranavičach.
U Baranavičy pryjechali z susiednich nievialikich haradoŭ: ź Niaśvižu, Ivacevič, Lachavič.
Vyjšli prostyja rabaciahi, jakija nie ŭmiejuć pryhoža havaryć, tamu pra nabalełaje kazali prosta: «Na zavodach hrošaj nie płociać, adpraŭlajuć na «kanikuły» za svoj rachunak».
Pryjšła žančyna z razmalavanymi šarykami. Za 2015 hod joj płacić padatak nie treba, kazała jana, ale za 2016 daviadziecca.
U jaje baćka chvory na rak, žančyna nie maje jak jaho pakinuć, a lišnich hrošaj, kaniečnie, niama — treba darahija leki. Jana nazvałasia «Hramadziankaj Respubliki Biełaruś».
«U 2006-m nas razahnali, u 2010-m razahnali, a ŭ 2017-m nie razhoniać, 2017 — hod pieramien! Nievynosna ŭžo žyć tak. My chočam stvarać siemji, žyć doma. Ale niama jak! Pahladzicie na palakaŭ — čamu jany nie kidajuć svaje siemji na 30 dzion, kab jechać za hrašyma na vachtu ŭ inšuju krainu? Čamu jany ŭ siabie zarablajuć, a my nie? Žyvie Biełaruś!», — voś jak kazali maładyja ludzi ŭ Baranavičach.
Paśla pratestu, kali ludzi razychodzilisia, niejki junak spytaŭsia, navošta jany vychodzili.
Jamu chutka patłumačyŭ adzin pradprymalnik.
Bolš za 2000 čałaviek vyjšli na šeście i mitynh u Viciebsku, 1500 — u Babrujsku, 300 — u Breście.
Samymi papularnymi łozunhami byli «Basta!» i «Nie dekretu numar try! Łukašenka, uchadzi!»