Kadr ź filma.
1. Film pra Biełaruś i biełarusaŭ źniaty biełarusami ŭ Biełarusi dy całkam za biełaruskija srodki (sponsary, partniory, ułasnyja vydatki kamandy prajekta).
2. Kamiedyja pra sučasnuju Biełaruś, tamu žarty i kamičnyja siužety stvorany na asnovie realnych faktaŭ, historyj, padziej, vykazvańniaŭ biełaruskich čynoŭnikaŭ i h.d.
3. Film padtrymlivali biełaruskija kampanii, tamu cikava nazirać, jak u siužecie źjaŭlajucca kadry z rekłamaj brendaŭ, jakija spansavali prajekt. Zdajecca, raniej u biełaruskim kino takoha nie było.
4. Akramia šmatlikaj prychavanaj rekłamy biznes-partnioraŭ, u filmie šmat, skažam, rekłamy nacyjanalnych simvałaŭ. Bieł-čyrvona-biełyja branzalet i noŭt, cišotki symbal.by z malunkami «Kraj volnych» i «Kraj dužych» u hałoŭnaha hieroja, arnamientavanyja stužki, vyšyvanki, padkreślena biełaruskamoŭnyja słovy i frazy ŭ dyjałohach hierojaŭ Alaksieja Saprykina i Piatra Klujeva, pierakreślenaja «Biełoruśsija» na «Biełaruś» i inšaje. Hetyja elemienty padajucca niezaŭvažnymi, ale nasamreč źjaŭlajucca vielmi jaskravymi razynkami.
5. U stužcy zdymajucca viadomyja biełaruskija muzyki, adznaču jaskravyja zapaminalnyja vobrazy Alaksandra Kulinkoviča i Juryja Navumava z Neuro Dubel. U filmie hučać pieśni hurtoŭ Navi, Recha, The Superbullz, Źmitra Vajciuškieviča dy jašče dziasiatka vykanaŭcaŭ.
Zrazumieła, kab skłaści svajo mierkavańnie, treba schadzić u kinateatr. Nu i dadatkovy maleńki fakt: u filmie źniałasia amal usia kamanda «Art Siadziby».
«My ž tut nie Maskva!»: NN naviedała zakryty pakaz novaj biełaruskaj kamiedyi «Party-zan»
