Ministerstva finansaŭ Biełarusi apublikavała finansavyja spravazdačy adkrytych akcyjaniernych tavarystvaŭ krainy za pieršy kvartał 2016 hoda. Aproč taho, infarmacyju pra svaju finansavuju situacyju pradastavili kampanii, jakija vypuskali ablihacyi. Narešcie, Nacbank publikuje spravazdačy bankaŭ krainy.
Na padstavie hetych źviestak «Naša Niva» skłała top-20 samych prybytkovych i stratnych kampanij z adkrytaj spravazdačnaściu.
Dla zručnaści ŭsprymańnia ličbaŭ sumy pieraviedzienyja ŭ dalary pa letašnim siarednim kursie — 1,975.
Čatyry samyja paśpiachovyja kampanii ŭ paraŭnańni ź pieršym kvartał nie źmianilisia, adnak kožnaja ź ich naraściła svaje prybytki.
«Hazprom transhaz Biełaruś» — samaja prybytkovaja kampanija krainy. Fota Siarhieja Hudzilina.
Niečakanym vyhladaje źjaŭleńnie na 6-m miescy iranskaha «Banka Handlovy kapitał», jaki nie demanstruje aktyŭnaści na rynku.
Najlepšyja siarod biełaruskich pryvatnikaŭ — kampanija A100, a voś «Jeŭrahandal» u hetym kvartale nie daciahnuŭ da top-20.
Što da najhoršych kampanij, to tut na dnie apynuŭsia MAZ. Z pryvatnikaŭ vialikija minusy ŭ «Trajpła» i «Amkadora».
* * *
Top-20 samych prybytkovych i stratnych biełaruskich kampanij z adkrytaj spravazdačnaściu za druhi kvartał 2016 hod (ličby ŭ miljonach dalaraŭ) | ||||
samyja prybytkovyja | samyja stratnyja | |||
Kampanija | Pryby-tak | № | Kampanija | Straty |
Hazprom transhaz Biełaruś | 78,3 | 1 | MAZ | -30,1 |
Biełaruśkalij | 65,6 | 2 | Hrodna Azot | -23 |
Mazyrski NPZ | 53,2 | 3 | Krasnasielskbudmateryjały | -12,9 |
Bank raźvićcia | 44,5 | 4 | Biełharchimpram | -9,8 |
Minskenierha | 28 | 5 | Kryčaŭcemientšyfier | -8,8 |
Bank Handlovy kapitał | 27,4 | 6 | Trajpł | -8,4 |
Pryjorbank | 26 | 7 | Śvietłahorski CKK | -8,2 |
558 avijaramontny zavod | 25,4 | 8 | Biełaruskaja čyhunka | -7,3 |
Biełarusbank | 25,4 | 9 | Amkador | -7,2 |
Biełhazprombank | 22,1 | 10 | Babrujskahramaš | -6,8 |
Homielenierha | 22 | 11 | Barysaŭski miasakambinat | -6,3 |
Hrodzienskaja tytuniovaja fabryka «Nioman» | 21 | 12 | Biełaruski cemientny zavod | -5,6 |
Pielenh | 16,1 | 13 | Choum Kredyt | -5,2 |
Minski zavod kołavych ciahačoŭ | 14,2 | 14 | Minski miasakambinat | -5 |
Bank Biełveb | 13,4 | 15 | MPZ | -4,5 |
Viciebskenierha | 12,7 | 16 | Lidachlebapradukt | -4,4 |
Pramahralizinh | 12 | 17 | Bijakom | -4 |
MTBank | 11,6 | 18 | Motavieła | -3,8 |
Astodieviełopmient | 10,7 | 19 | Mastoŭdreŭ | -3,8 |
Mahiloŭenierha | 10,6 | 20 | Brestenierha | -3,7 |
* * *
Čytajcie taksama vyniki pieršaha kvartała 2016: