Bolšaść kibieratak ździajśniajecca z dapamohaj škodnasnaha prahramnaha zabieśpiačeńnia z Kitaja, Łacinskaj Amieryki i Rasii, zajaviŭ hiendyrektar «Łabaratoryi Kaśpierskaha» na kanfierencyi Startup Village u padmaskoŭnym Skołkavie.
Pa słovach Jaŭhiena Kaśpierskaha, kibierzłačyncy z Rasii ličacca samymi niebiaśpiečnymi ŭ śviecie.
«Kolkaść unikalnych napadaŭ, jakija my łovim ŭ siecivie, pieravyšaje 300 tysiač u dzień», — pryvodzić jaho słovy TASS. Pavodle infarmacyi Kaśpierskaha, u 2014 hodzie byli zaatakavanyja prykładna 57% karystalnikaŭ sieciva, u 2015 hodzie — užo 62%.
«Majučy prykłady kryminalnych napadaŭ na pramysłovyja abjekty, majučy chakieraŭ, jakija mohuć stvarać vielmi składanyja ataki, my atrymlivajem kibierteraryzm — ataku na krytyčnuju infrastrukturu. Na samaj spravie, kampjutarnyja prahramy kirujuć usim, pačynajučy ad elektryčnaści, transpartu, miedycyny… Na žal, usie hetyja sistemy ŭraźlivyja», — skazaŭ jon.
