Niekalki dzion tamu ŭ Hrodzienskim zaaparku źjaviŭsia niezvyčajny navasielec, jakoha pryvieźli z Maskvy.
Naviedvalniki, jakija niadaŭna pabyvali ŭ zaaparku, źviarnuli ŭvahu na niezvyčajnuju žyviołu z hustoj poŭściu, padobnuju adnačasova na byka i kazu z hałavoj antyłopy hnu, rahami bujvała, jakaja vydaje dziŭnyja huki i da ŭsiaho ž umieje siadzieć, jak sabaka. Heta syčuanski takin — redki i, mabyć, samy małavyvučany bujny parnakapytny sysun. Na terytoryi SND hetyja žyvioły jość tolki ŭ kalekcyi zaaparku Rastova-na-Donie i Maskoŭskaha zaaparku, adkul jon da nas i pryjechaŭ.
Radzimaj takinaŭ źjaŭlajecca Kitaj. Žyvuć jany ŭ hornych lasach i miescach, dzie bahata rastuć chmyźniaki. Takiny nastolki skrytnyja žyvioły, što ich pieršaje apisańnie źjaviłasia tolki ŭ 1850 hodzie.
Takiny — raślinajednyja: uletku siłkujucca sakavitaj travoj, a zimoj — parastkami bambuka, radendrona, viarby. Niahledziačy na svaju vialikuju vahu (da 400 kh), karotkanohaść i niazhrabnaść, takin vielmi lohka biehaje i vydatna skača pa stromych skałach. Choć takiny padobnyja na byka, bolš padrabiaznyja daśledavańni vyjavili, što jon usio ž bližej da aviečak. Praŭda, niekatoryja navukoŭcy nazvali jaho najbližejšymi svajakami hazelaŭ, antyłop i navat aŭcabykoŭ.
