U 2016 hodździe ŭšanoŭvacca dźvie važnyja daty: 110 hodździe z vychadu «Našaj Nivy» i 135-hodździe z dnia naradžeńnia zasnavalnika haziety, idejnaha kiraŭnika Biełaruskaha adradžeńnia Ivana Łuckieviča. Hetyja padziei paŭpłyvali na ŭsiu dalejšuju biełaruskuju historyju. Možna pierakanaŭča śćviardžać, Ivan Łuckievič na dziesiatki hadoŭ pryśpiešyŭ biełaruskaje adradžeńnie i zakłaŭ asnovy Biełaruskaj Dziaržaŭnaści.
Z hetych nahodaŭ zaprašajem dałučycca da vandroŭki ŭ Vilniu «Ivan Łuckievič i Našaniŭskaja para», jakaja adbudziecca 4-5 červienia.
Padčas vandroŭki my naviedajem Šaŭli, dzie naradzilisia braty Ivan i Anton Łuckievičy, ubačym viadomuju Haru kryžoŭ.
Nie praminiem prajechać praz Paniaviežys, dzie ŭ miascovaj nastaŭnickaj sieminaryi vučylisia mnohija biełarusy (u tym liku, Ściapan Niekraševič, Janka Maŭr, Jurka Listapad). I, viadoma, zavitajem u haścinnuju Vilniu, vieličnuju stalicu VKŁ, centr biełaruskaha ruchu pač. XX st.
U Vilni my projdziemsia adrasami «Našaj Nivy», ubačym charastvo siaredniaviečnych chramaŭ i vulicaŭ.
A zatym voźmiem ŭdzieł u śviatočnaj viečarynie, jakuju ŭ honar słaŭnych jubilejaŭ zładziać Tavarystva biełaruskaj kultury ŭ Litvie i Vilenski biełaruski muziej Ivana Łuckieviča. U miežach viečaryny adbudziecca muzyčny vystup viadomaha barda i žurnalista Źmitra Bartosika.
Śpiecyjalna dla našych vandroŭnikaŭ studenty vilenskaha EHU abiacali zładzić kvest pa biełaruskich miaścinach Vilni.
A pry kancy vandroŭki my naviedajem znakamity vilenski niekropal — mohiłki Rosa, dzie pachavany Ivan Łuckievič i mnohija inšyja dziejačy.
Viadoŭca i idejny natchnialnik vandroŭki - historyk i ekskursavod Pavał Karaloŭ.
Kab dałučycca da vandroŭki, treba mieć vizu.
Zapis, dadatkovaja infarmacyja i bolš padrabiaznyja ŭmovy vandroŭki — praź je-mejł [email protected], a taksama pa mabilnych telefonach: 8-025-5458430, 8-029-1342804 (Valeryja).
