Kiraŭnica Centrvybarkama Lidzija Jarmošyna viarnułasia z padarožža ŭ Paryž.
U adroźnieńni ad adpačynku ŭ Italii, u Francyju jana palacieła adna, biez syna.
Avijakvitki Minsk—Paryž—Minsk kaštavali 480 jeŭra. Arhanizavać padarožža dapamahała biełaruskaja ambasada.
«Ja była achviaraj pijaru, jak i ŭsie astatnija. Paryž — heta horad, jaki na 50% — plon ŭdałaha pijaru. Viadoma, jaho apieła tak šmat vialikich ludziej, jon zrabiŭsia kałyskaj takoj kolkaści pradstaŭnikoŭ mastactva, što heta samo pa sabie stvaryła jamu niejki admysłovy mif čahości asablivaha. Kali paraŭnoŭvać pa turystyčnych abjektach, to Paryž nieparaŭnalny z Rymam. Rym — sapraŭdy vialiki horad ź vialikaj architekturaj. A Paryž u XIX stahodździ byŭ pierakrojeny, što zrabiła jaho zručnym dla žyćcia. Byli źniesieny staryja damy, pastaŭlenyja novyja. Ale jany nastolki adnolkavyja, što ja paraŭnoŭvała z 3-j vulicaj Budaŭnikoŭ, ale, viadoma, vulicaj budaŭnikoŭ XIX stahodździa», — raskazała Jarmošyna ŭ intervju «Kamsamolskaj praŭdzie».
Staršynia CVK paśpieła naviedać kabare «Mulen Ruž». Bilet kaštavaŭ 117 jeŭra.
Viza Jarmošynaj dziejničaje da 29 lutaha. Tady ž budzie vyrašacca, ci admieniać sankcyi ŭ adnosinach jaje i inšych biełaruskich čynoŭnikaŭ.
Kali vizy nie budzie, Jarmošyna ŭ kastryčniku płanuje naviedać Izrail.
