U pieryjadyčnuju tablicu chimičnych elemientaŭ, viadomuju jak tablica Miendzialejeva, unieśli čatyry novyja elemienty.
Wikipedia
Usie čatyry elemienty byli adkrytyja jašče niekalki hadoŭ tamu, adnak ekśpiertam spatrebiŭsia čas na pierapravierku źviestak. Ciapier siomy šerah tablicy zapoŭnieny całkam.
U novych elemientaŭ, jakija nosiać numary 113, 115, 117 i 118, pakul niama pastajannych nazvaŭ. Navukoŭcy prydumajuć ich paźniej. Usie čatyry elemientyja naležać da zvyšciažkich.
Pieršaadkryvalnikam elemientaŭ 115, 117 i 118 pryznanaja mižnarodnaja daśledčaja hrupa, jakaja składajecca z rasijskich i amierykanskich navukoŭcaŭ. Hetaja hrupa taksama pretendavała na prava ličycca pieršaadkryvalnikam elemienta 113, adnak u vyniku ekśpierty zamacavali heta adkryćcio za navukoŭcami ź Japonii.
U apošni raz źmieny ŭ pieryjadyčnuju tablicu chimičnych elemientaŭ unosilisia ŭ 2011 hodzie. Tady ŭ jaje dadali elemienty 114 i 116.
Pieryjadyčnaja tablica była składzienaja chimikam Dźmitryjem Miendzialejevym u siaredzinie XIX stahodździa. Jaje pieršapačatkovy varyjant uklučaŭ 63 elemienty.
