20-hadovaja žycharka Paŭdniovaj Afrykanskaj Respubliki Zama Madłana pryznałasia pierad sudom u sprobie pradać u internet-kramie Gumtree svajo dzicia za 5000 rendaŭ ($380).
Prakuratura zajaviła, što joj taksama pahražajuć abvinavačvańni ŭ kantrabandzie ludziej i admyvańni hrošaj. Jaje 19-miesiačny syn ciapier znachodzicca pad nahladam sacyjalnych rabotnikaŭ.
Zama Madłana była aryštavanaja, paśla taho jak palicejski ahient ustupiŭ ź joj u kantakt pad vyhladam pakupnika. Jana budzie znachodzicca pad chatnim aryštam da nastupnaha sudovaha pasiedžańnia, jakoje pryznačana na luty.
Pradstaŭnik prakuratury PAR Nataša Ramkisan-Kara zajaviła, što budzie praviedzienaje dadatkovaje rasśledavańnie abstavin hetaj spravy.
«Jana źjavicca ŭ sudzie 29 lutaha, ale da hetaha sacyjalnymi słužbami budzie padrychtavanaja papiaredniaja spravazdača», — paviedamiła pradstaŭnica ŭładaŭ. «Sacyjalnyja słužby pravierać jaje maci i abstaviny jaje vychavańnia, i kali budzie hatovaja spravazdača, jany nakirujuć jaje ŭ sud», — patłumačyła jana.
Kampanija Gumtree, jak paviedamiła palicyja, supracoŭničaje ŭ rasśledavańni hetaj spravy sa śledstvam.