Niadaŭna na viadomym sajcie kinopoisk.ru źjaviłasia staronka «nacyjanalnaha kinaprajekta» filma «My, braty».
Sajt praduhledžvaje mahčymaść adznaki filmu (ad 1 da 10), kab nastupnyja hledačy mahli bačyć uražańni inšych.
Jašče ŭčora film «My, braty» mieŭ najhoršuju adznaku z mahčymych — 1 bał!
Ale pačynajučy z 22 hadzin i da 2 hadzin nočy adbyŭsia napłyŭ «trolaŭ» — ludziej, jakija vykonvajuć peŭnuju zamovu dla stvareńnia efiektu «bolšaści».
Statystyka adznak na «Kinapošuku». Staronka «My, braty».
Jak vynikaje sa statystyki sajta, bolšaść «trolaŭ» zarehistravalisia na sajcie 28 vieraśnia, a adziny film, jaki jany acanili na 10 bałaŭ — heta «My, braty».
Typovy akaunt «trola».
Aproč «trolaŭ» jość i akaŭnty pradziusara Siarhieja Ždanoviča (pastaviŭ 10 bałaŭ), i aktorki Alesi Hrybok (pastaviła 8 bałaŭ).
«Trolam» udałosia padniać rejtynh filmu da 2 bałaŭ.
