Aleh Vikiencjevič Łucevič. Hrafik. Siabra Sajuza mastakoŭ SSSR. Naradziŭsia ŭ 1924, Biełaruś.
Pierad pačatkam II Suśvietnaj vajny žyŭ u Puchavičach. Tam zastaŭsia ŭ akupacyi. Pracavaŭ, naładžvaŭ suviazi z padpollem i partyzanami. Uviesnu 1943 hodu pajšoŭ u partyzanski atrad, jaki dziejničaŭ u navakolnych lasach. Da vyzvaleńnia Biełarusi zmahaŭsia z akupantami, udzielničaŭ u zasadach, padryvach čyhunki, mastoŭ, chadziŭ u vyviedku, paviedamlajecca ŭ fejsbuku Adama Hłobusa.
Pa vajnie, ź lipienia 1944 byŭ adnym ź pieršych supracoŭnikaŭ muzieja Vialikaj Ajčynnaj Vajny.
Pracujučy nastaŭnikam u Mastackaj vučelni imia Hlebava, stvaryŭ vakoł sabie koła vučniaŭ, fanatyčna addadzienych mastactvu, ludziej apantanych idejaj słužeńnia mastactvu. Mieŭ nadzvyčajny dar zachapić idejaŭ abjemnaha bačańnia i malavańnia, stvareńnia trochmiernaha malunku. Šmat dla kaho z vučniaŭ byŭ nie prosta nastaŭnikam, ale duchoŭnym huru.
Lubiŭ žyćcio, žančyn, Biełaruś…
Raźvitańnie z mastakom i nastaŭnikam zaŭtra (paniadziełak) pa adrasie: Daŭhinaŭski trakt 160A, s 12.00 da 13.00.
