Mielicina Staniuta — biełaruskaja himnastka, šmatrazovaja pryziorka čempijanataŭ śvietu i Jeŭropy. Praŭnučka vybitnaj aktorki, lehiendy Kupałaŭskaha teatra Stefanii Staniuty.
U 2009 hodzie na debiutnym dla jaje čempijanacie śvietu ŭ piatnaccacihadovym uzroście Mialita vyjhrała bronzavy miedal u praktykavańniach z abručom, «srebra» u kamandnym pieršynstvie i zaniała čaćviorty radok u finale šmatborja.
U siezonie 2013 hoda Staniuta pryniała ŭdzieł amal va ŭsich etapach Kubka śvietu i turnirach sieryi Hran-Pry, niaźmienna zajmajučy pryzavyja miescy jak u mnahaborji, tak i ŭ finałach asobnych vidaŭ. U Buchareście jana z tryumfam vyjhrała mnahaborji, a taksama finały ź miačom, bułavami i stužkaj, i zatym paŭtaryła heta dasiahnieńnie na turniry ŭ Piezara, uziaŭšy, akramia «zołata» u anałahičnych dyscyplinach, srebny miedal u praktykavańni z abručom. Pa vynikach projdzienych čatyroch etapaŭ Kubka śvietu Staniuta ŭznačaliła mižnarodny rejtynh himnastak nie tolki ŭ mnahaborji, ale i ŭ asobnych vidach.
«Naša Niva» ŭ ramkach novaha videaprajekta daviedałasia, pa jakich praviłach žyvie naša ziamlačka-čempijonka.
