Brytanski pank-rok-hurt The Exploited admoviŭsia vystupać na fiestyvali «Zachid» z-za ŭdziełu ŭ im biełaruskaha hurta Siarhieja Michałka Brutto. Pra admovu paviedamili arhanizatary ŭkrainskaha fiestyvalu «Zachid».
the-exploited.net
«Kiepskija naviny dla vas. Hurt skazaŭ admianić kancert. Pryčyna — jany nie chočuć hrać na fiestyvale razam z Brutto», — pišuć arhanizatary festa i dadajuć, što nie razumiejuć realnych pryčyn i ŭžo šukajuć zamienu brytanskim muzykam.
Lidar hurta The Exploited Uoćci Bjuken patłumačyŭ, što im raspaviali šmat kiepskaha pra biełaruski kalektyŭ:
«Prabačcie, ale my atrymali stolki łajna, dasłanaha nam pra hety hurt, i ja bačyŭ videa na Jutubie, dzie jany ździekujucca sa staroha čałavieka, tamu my nie možam hrać na hetym kancercie. My hatovyja hrać u nastupnym hodzie dla vas. Prabačcie za heta».
Pra jakoje videa z udziełam hurta Brutto idzie havorka, niezrazumieła.
Jeŭraradyjo zdoleła atrymać karotki kamientar pradziusara Brutto Antona Aziźbiekiana: «Nam pryjemna, što ekspłoited nas sasc*li».
Fiestyval «Zachid» projdzie sioleta ŭ Lvoŭskaj vobłaści 14-16 žniŭnia. U im prymuć udzieł hurty ILL NIÑO, Brutto, Braty Hadziukiny, Hajdamaki, Bumboks, Žadan, Matisyahu, Dead by April, Onuka i O.Torvald.