Pieršyja zaniatki biaspłatnych moŭnych kursaŭ adbuducca ŭ Maładziečnie 15 vieraśnia ŭ kaviarni «Nakat» (HC «Trojka», 4 pavierch) a 19-j hadzinie.
- Vy cudoŭna adpačyli hetym letam, ale stamilisia ad taho, što pobač z vami hučała tolki ispanskaja i hrečaskaja movy? Tady vam da nas.
Tamu što na zaniatkach «Movy Nanova» hučyć tolki rodnaja, biełaruskaja.
- Vy cudoŭna papracavali hetym letam na leciščy? Ale stamilisia nasić z aharodaŭ viodry pamidoraŭ i miachi bulby? Tady vam da nas!
Tamu što na zaniatkach «Movy Nanova» samaje ciažkaje, što vam daviadziecca padymać, – heta asadki i ałoŭki.
- Vašy dzieci pajšli ŭ škołu i štoviečar dajmajuć vas prośbami zrabić uroki? Tady vam da nas!
Tamu što my viedajem, jak zrabić tak, što mova dla vašych školnikaŭ budzie tolki ŭ radaść.
- Vy nie viedajecie kudy zaprasić na spatkańnie dziaŭčynu? Tady vam da nas.
Tamu što ŭ nas u kancy kožnych zaniatkaŭ vystupajuć modnyja biełaruskamoŭnyja hurty i vykanaŭcy.
Usio heta čakaje vas ciaham hoda, a pieršyja zaniatki my pryśviecim samaj vieraśnioŭskaj temie – «Adukacyja».
Pahutarym i paspračajemsia na temu płatnaj adukacyi i abaviazkovaj adpracoŭki paśla zakančeńnia VNU. A taksama vas, jak zaŭsiody, čakaje šmat karysnaj infarmacyi, siurpryzaŭ, hulniaŭ i padarunkaŭ.
Chto pryjdzie na pieršyja zaniatki ŭ biełaruskaj vyšyvancy – atrymaje ŭ padarunak firmienny natatnik «Movy Nanova». Majki z mašynnaj vyšyŭkaj i pryntami taksama zaličvajucca.
