30 žniŭnia ŭ Ńju-Jorku, u Hramadskaj zale Sabora Kiryły Turaŭskaha na Atłantyk-avieniu, pačałasia 31-ja Sustreča biełarusaŭ Paŭnočnaj Ameryki z udziełam biełaruskich supołak ZŠA i Kanady. Amierykanski bok pradstaŭleny arhanizacyjami ź Ńju-Jorka i Ńju-Džersi, Majami (Fłaryda), Čykaha i Vašynhtona. Z Kanady pryjechali pradstaŭniki Zhurtavańnia Biełarusaŭ Kanady.
U pieršy dzień sustrečy była ŭračysta adznačana 23-ja hadavina adnaŭleńnia niezaležnaści Biełarusi. Udzielnik padziejaŭ žniŭnia 1991 hoda, deputat Viarchoŭnaha savieta 12 sklikańnia Siarhiej Navumčyk padzialiŭsia ŭspaminami pra toj čas.
Taksama haściam była pradstaŭlena fotavystava Džona Kunstadtara «Nieruš», adkryćcio jakoj adbyłosia ŭ Sabory 3 žniŭnia. Zatym hościa z Kanady Iryna Varabiej pradstaviła prysutnym vystavu svaich vyšyvanak i raspaviała pra stvorany joju brend Spirit of Belarus. A zaviaršyła pieršy dzień Sustrečy zabaŭlalnaja prahrama z tancami i śpievami, jakuju padrychtavali i praviali muzyki Valancin i Taćciana Dziamieščyki ź Ńju-Džerci razam sa svaimi dziećmi.
U niadzielu, 31 žniŭnia, adbyłosia aficyjnaje adkryćcio Sustrečy. Pačała jaho Staršynia Arhkamiteta sustrečy Taćciana Krasoŭskaja i zatym pieradała słova Staršyni Bruklinskaha adździeła BAZA Andreju Asadčamu.
Vystupili delehat z Kanady Valancina Šaŭčenka, staršynia Rady BNR Ivonka Surviła i jaje namieśnik Siarhiej Navumčyk. Na cyrymonii zakryćcia Sustrečy znoŭ vystupiła Valancina Šaŭčenka. Jana padziakavała arhanizataram za ciopły pryjom i zaprasiła pryjazdžać u Atavu - na nastupnuju, CHCHCHII, Sustreču.
Śviatočny kancert z udziełam pradstaŭnikoŭ Kanady i ZŠA, jaki viała Taćciana Dziamieščyk, byŭ ciopła pryniaty publikaj.
Sustrečy biełarusaŭ Paŭnočnaj Amieryki ładziacca raz na dva hady. Pieršaja prajšła ŭ Taronta ŭ 1952 h.
