Novaje pakaleńnie USB, jakoje ŭžo hatova da vytvorčaści, chutka całkam zamienić kłasičnyja raźjomy, jakija źjavilisia jašče ŭ 1995 hodzie.
U novym farmacie USB, jaki atrymaŭ nazvu Type-C, raspracoŭščyki pavialičyli chutkaść pieradačy dadzienych.
Prapusknaja zdolnaść novaha USB składaje 10 hihabit u siekundu, što dazvolić novamu raźjomu vycieśnić HDMI. Akramia taho, byŭ značna pamienšany pamier štekiera i porta, što dazvolić pamienšyć taŭščyniu hadžetaŭ.
Ale hałoŭnym adroźnieńniem USB Type-C stała jaho simietryčnaść, jakaja dazvalaje ŭstaŭlać štekier u lubym stanoviščy. Z novym portam nie pryjdziecca kłapacicca ab tym, kab utorknuć kabiel «pravilnym bokam».
Jak čakajecca, paŭnavartasnaje ŭkaranieńnie novaha USB moža zaniać davoli šmat času, a karystalnikam pryjdziecca znoŭ uspomnić pra pierachadniki.