U čaćvier viečaram bajeviki abstralali viertalot Mi-8.
Pra heta zajaviŭ u efiry «5 kanała» pres-aficer štaba ATA Alaksiej Dmitraškiŭski.
«Viertalot byŭ abstralany i ździejśniŭ vymušanuju pasadku», —paviedamiŭ jon i padkreśliŭ, što pra miesca pasadki nie paviedamlajecca «dziela zachavańnia žyćcia i zdaroŭja členaŭ ekipaža i ludziej, jakija byli na borcie».
«Pavodle ŭsich mižnarodnych zakonaŭ abstreł takich mašyn zabaronieny», — adznačyŭ jon.
Raniej kiraŭnik hrupy «Infarmacyjny supraciŭ» Dźmitryj Tymčuk u Facebook napisaŭ, što «padbili sanitarny viertalot Mi-8 sił ATA, jaki lacieŭ pa paranienych pavodle damoŭlenaści z bajevikami».
Taksama bajeviki źbili nad Jenakijevym ukrainski źniščalnik MiH-29
Pra heta paviedamiŭ kiraŭnik pres-centra ATA Uładzisłaŭ Sielaźnioŭ.
«Chutčej za ŭsio, stralali ź zienitna-rakietnaha kompleksu «Buk», — skazaŭ jon.
«Lotčyk sprabavaŭ advieści samalot ad žyłych rajonaŭ», - dadaŭ kiraŭnik miedyjacentra ATA.
Pa słovach Sielaźnioŭ, lotčyk žyvy. Zaraz pravodzicca pošukava-vyratavalnaja apieracyja.
