Adzin ź lidaraŭ «Danieckaj narodnaj respubliki» Alaksandr Baradaj abviaściŭ, što pakidaje svaju pasadu.
Alaksandr Baradaj, AP
Na miesca Baradaja budzie pryznačany kamandzir arhanizacyi «Apora» ŭ Daniecku Alaksandr Zacharčanka — adzin ź blizkich paplečnikaŭ lidara «Apłotu» Jaŭhiena Žylina.
«Siudy ja pryjšoŭ jak kryzisny mieniedžar, kali chočacie, start-apieram. Šmat što ŭdałosia zrabić za minułyja miesiacy, DNR adbyłasia jak dziaržava. Ciapier ja sastupaju svajo miesca aŭtarytetnamu palavomu kamandziru, majmu siabru Alaksandru Zacharčanku», — skazaŭ Baradaj na pres-kanfierencyi ŭ Daniecku.
Baradaj — hramadzianin Rasii, maskoŭski palitołah, pryznačany na pasadu «premjer-ministra» DNR 16 maja tak zvanym viarchoŭnym savietam sieparatysckaha ruchu. Da hetaha, pa jaho ŭłasnym pryznańni, jon udzielničaŭ u dałučeńni Kryma da Rasii.
Raniej u lipieni ab svajoj adstaŭcy zajaviŭ «staršynia viarchoŭnaha savieta» DNR Dzianis Pušylin.
