Na ŭsie zakidy pra biełaruskaje «Tatu» Rusia adkazvaje: naš tekst bolš intelektualny.
Doŭhačakany samotnik ad hurtu, jaki za niejkija dva hady rvanuŭ z katehoryi «talenavityja debiutanty» ŭ pieršy ešalon biełaruskaha roku. Na dysku ŭsiaho dva aryhinalnyja treki (i jašče kolki remiksaŭ), adnak jaho varta pasłuchać. Kab pačuć kranalny duet Rusi dy Ihara Varaškieviča ŭ zahałoŭnaj pieśni. Kab pabačyć, u jaki bok ruchajucca kolišnija pieramožcy «Basovišča». «Indiga» adkazna padyšli da zapisu, vykłaŭšy amal dźvie tysiačy dalaraŭ, tamu zahanaŭ tut nie adšukaješ. U anhielskamoŭnaj «Honey goes down» piajecca pra kachańnie miž dźviuma dziaŭčynami – tema, jakaja ŭ biełaruskim roku dahetul nie ŭzdymałasia. Na ŭsie zakidy pra biełaruskaje «Tatu» vakalistka Rusia tolki adkazvaje: toj, chto viedaje anhielskuju movu, zrazumieje, što naš tekst kudy bolš intelektualny. Novy dysk «Indiga» vyjšaŭ dobrym paćvierdžańniem statusu Rusi jak novaj rok-kniazioŭny.
Pieśnia «Honey goes down», jak i «Zajeńka», sustrakajecca na dysku ŭ niekalkich klubnych apracoŭkach. Treki ŭ stylistycy «smooth passion» i «spaceman» byli zroblenyja dy-džejami z Aŭstryi, dzie hurt pa chutkim časie budzie kancertavać.
U jakaści reklamnaj fiški «indyhany» skarystali... Azaronka: na kareńčyku dyska nadpis pa-anhielsku: «Uchvalena stvaralnikami filmu «Duchoŭnaja vajna».
Rekamendujecca ŭsim prychilnikam elektronnaj muzyki i sučasnaha biełaruskaha roku.
