Paŭdniovaafrykanskaja anhłamoŭnaja piśmieńnica i paetka Nadzin Hordzimier, jakaja stała ŭ 1991 hodzie łaŭreatkaj Nobieleŭskaj premii pa litaratury, pamierła ŭ PAR na 91-m hodzie žyćcia.
Piśmieńnica pamierła ŭ svaim domie ŭ Jochanesburhu viečaram u minułuju niadzielu ŭ atačeńni členaŭ siamji.
Nadzin Hordzimier naradziłasia ŭ 1923 hodzie ŭ pasiołku Sprynhs niedaloka ad Jochanesburha. Jaje baćkami byli habrei, jakija emihravali ŭ Paŭdniova-Afrykanskuju Respubliku. Piśmieńnickuju karjeru pačała va ŭzroście dzieviaci hadoŭ, a jaje pieršaje apaviadańnie «Zaŭtra prychodź znoŭ» (Come Again Tomorrow) było nadrukavana, kali Nadzin spoŭniłasia 15 hadoŭ.
Suśvietnuju viadomaść Hordzimier atrymała za svoj raman «Narod Džułaja», jaki vyjšaŭ u śviet u 1981 hodzie. Asnovu bolšaści siužetaŭ tvoraŭ piśmieńnicy składała tema razburalnaha ŭpłyvu aparteidu na ŭzajemaadnosiny pamiž ciemnaskurym nasielnictvam krainy i biełym nasielnictvam PAR.