Lidar arhkamiteta pa stvareńni abjadnańnia «Sacyjał-demakraty za dyjałoh i kansalidacyju» Anatol Laŭkovič nie vyklučaje svajho ŭdziełu ŭ prezidenckich vybarach 2015 hoda.
fota Radyjo Svaboda
Pra heta jon zajaviŭ BiełaPAN, kamientujučy zajavu šerahu inicyjatyŭ ab jaho padtrymcy ŭ nastupnaj prezidenckaj vybarčaj kampanii.
U paviedamleńni, raspaŭsiudžanym u ŚMI 27 maja, zaznačajecca, što «arhanizacyjny kamitet pa stvareńni Centrysckaj partyi Biełarusi, hramadzianskaja inicyjatyva «Za Laŭkoviča», arhanizacyja etničnych ukraincaŭ u Biełarusi «Ukrainski dom» i Saviet jeŭraatłantyčnaha supracoŭnictva (SIES) pačynajuć dziejničać pad adzinym brendam «Laŭkovič 2015». «Jaho palityčnyja pohlady poŭnaściu adpaviadajuć śvietapohladu biełarusaŭ, a prapanavanaja im i jaho paplečnikami palityčnaja stratehija «Za dyjałoh i kansalidacyju» adpaviadaje žadańniam ludziej z samych roznych sacyjalnych słajoŭ… Jon nie žyvie ŭ śviecie iluzij, nie zaklikaje svoj narod da biessensoŭnych dziejańniaŭ («Płoščaŭ», «Majdanaŭ» i inšych «kalarovych revalucyj»), nie naviazvaje svaim suajčyńnikam zaviedama pravalnyja idei, jak heta robiać palityčnyja «prafursietki» ŭ asobie niaźmiennych apazicyjnych «pravadyroŭ» i palityčnyja dyletanty ad ŁDPB, RPPS», — havorycca ŭ paviedamleńni.
Laŭkovič zajaviŭ, što niejkich kansultacyj i pieramoŭ ź inicyjatyvami nakont svajho ŭdziełu ŭ prezidenckich vybarach nie pravodziŭ. «Ale dla mianie heta navina pryjemnaja. Značyć, pavialičvajecca kolkaść prychilnikaŭ dyjałohu i kansalidacyi ŭ hramadstvie», — skazaŭ jon.
***
Laŭkovič sa žniŭnia 2008 hoda pa kastryčnik 2010 hoda ŭznačalvaŭ Biełaruskuju sacyjał-demakratyčnuju partyju (Hramada). 10 kastryčnika 2010 hoda ŭ Minsku prajšoŭ źjezd BSDP (Hramada), na jakim staršynioj byŭ abrany Anatol Sidarevič, adnak vyniki źjezda Laŭkovič nie pryznaŭ. Vyniki źjezda nie byli pryznanyja i Miniustam. Nie byli aficyjna pryznanyja i vyniki paŭtornaha źjezda 5 červienia 2011 hoda. Jašče adzin źjezd prajšoŭ 18 sakavika 2012 hoda, na jakim staršynioj partyi była vybrana Iryna Vieštard, znoŭ pieraabranaja kiraŭnikom arhanizacyi ŭ 2014 hodzie.
