Kiraŭnik milicyi ŭ Maryupali Danieckaj vobłaści Valeryj Andruščuk, jaki byŭ vykradzieny sieparatystami 9 maja, vyzvaleny.
Pra heta paviedamiŭ ministr unutranych spraŭ Arsien Avakaŭ u Facebook.
«Vyzvalili zachoplenaha 9 maja ŭ Maryupali Valeryja Andruščuka. Daj Boh jamu zdaroŭja! Dziakuj usim, chto dapamoh», — napisaŭ jon.
Raniej kandydat u prezidenty Aleh Laško taksama paviedamiŭ pra vyzvaleńnie «z pałonu dyviersantaŭ» Andruščuka: «Jon žyvy, ale ŭ vielmi ciažkim stanie: čerapna-mazhavaja traŭma, udar hałaŭnoha mozhu, złamanyja rebry, šmat hiematom na ciele. Spadziajusia, jon chutka papravicca», — napisaŭ Laško.
Raniej była infarmacyja, što kiraŭnika Maryupalskaha harupraŭleńnia milicyi Andruščuka nibyta znajšli paviešanym, a taksama jaho prysudziŭ da śmierci «narodny sud».