Jak paviedamlaje sajt Maryupala (Danieckaja vobłaść) 0629.com.ua, pamiž 3-j i 4-j ranicy budynak byŭ vyzvaleny ad rasijskich šturmavikoŭ.
«5 paciarpiełych z boku zachopnikaŭ meryi z roznymi traŭmami pavieźli ŭ haradskija balnicy», — dadaje 0629.
Apieracyju ažyyciavili Unutranyja vojski Ukrainy.
«Maryupal. Meryja vyzvalenaja dla narmalnaj pracy. Značnaja rola hramadzkich aktyvistaŭ», — paviedamiŭ ministr unutranych spraŭ Arsien Avakaŭ na svajoj staroncy ŭ Facebook.
Pavodle jaho słoŭ, zaraz budynak praviarajuć vybuchatechniki. Harsaviet biarecca pad achovu.
Prarasijskija šturmaviki ŭtrymlivali harsaviet z 13 krasavika.
«Harsaviet zabrali. Prymali žorstka, jość paranienyja. Pa pierymietry vystaŭlena ačapleńnie. U HUUS bačyli ludziej u milicejskaj formie navat z kulamiotam», — zajavili pradstaŭniki šturmavikoŭ.
Pavodle źviestak, jaki apublikavali asobnyja sieparatysty ŭ sacyjalnych sietkach, jany stracili budynak harsavieta pa schiemie Adesy i Dnieprapiatroŭska.
U ich šerahi byli ŭviedzienyja ludzi, jakija abviaścili siabie lidarami, u ich asiarodździa pačaŭsia razbrod, a potym zdali pazicyi.
Uranku ŭ meryju pačali puskać supracoŭnikaŭ harsavieta i naviednikaŭ.
Pa stanie na 09:30 u budynku Maryupalskaha harsavieta prachodziać pieramovy pamiž pradstaŭnikami ŭładaŭ, pravaachoŭnych orhanaŭ i pradstaŭnikami «Danieckaj narodnaj respubliki». Apošnim prapanujuć dva kabiniety na druhim paviersie.
