8 sakavika na 81-m hodzie pajšła z žyćcia viadučy biełaruski etnamuzykołah, viadomy słavist i biełarusist, doktar mastactvaznaŭstva Zinaida Jakaŭleŭna Mažejka, imia jakoj źjaŭlajecca znakavym dla biełaruskaj navuki i kultury. Pra heta napisaŭ u siabie ŭ Fejsbuku Cimoch Akudovič.
U halinie fundamientalnaj navuki Zinaida Mažejka pakinuła navukovyja pracy, jakija ŭvajšli ŭ «załaty fond» słavianskaj muzyčnaj falkłarystyki i ŭ mnohim vyznačyli toj vysoki ŭzrovień etnamuzykałohii, jaki heta navuka dasiahnuła ŭ druhoj pałovie XX — pačatku XXI stahodździaŭ.
Jana źbirała falkłor, zdymała filmy, achoŭvała narodnuju piesiennuju kulturu.
Śvietłaja pamiać ab Zinaidzie Mažejcy nazaŭsiody zachavajecca ŭ sercach jaje paplečnikaŭ i adnadumcaŭ, tych, kamu paščaściła pracavać razam ź joj.
Dziejnaść Zinaidy Mažejki paŭpłyvała na ajčynnuju folk-scenu.
Lidar etna-tryjo «Troica» Ivan Kirčuk nieadnojčy pryznavaŭsia, što z dapamohaj filmaŭ daśledčycy adkryŭ dla siabie absalutna novyja płasty śpievaŭ, najpierš falkłor Biełaruskaha Paleśsia. Viačasłaŭ Kałacej adznačaje, što Mažejka nie tolki aktyŭna vyvučała karaniovuju kulturu biełarusaŭ, ale i zaciata zmahałasia za jaje zachavańnie.
Raźvitańnie ź Zinaidaj Mažejkaj adbudziecca z 12.00 da 14.00 12 sakavika ŭ rytualnaj zali Respublikanskaha kliničnaha centru (Lečkamisii) pa adrasie Čyrvonaarmiejskaja, 10