Žyćciovy miełanž / Radzim Harecki. — Minsk: Knihazbor, 2013. — 648 s.
Akademik Radzim Harecki vydaŭ čarhovuju knihu. U adroźnieńnie ad papiarednich, jana pryśviečana nie jahonym baćku Haŭryłu i dziadźku Maksimu, a pieražytamu samim. Chacia, kaniečnie, nie źnikajuć sa staronak knihi i blizkija.
«Žyćciovy miełanž» — heta publicystyčnyja artykuły, liryčnyja zamaloŭki, minijaciury, ese.
Aŭtar razvažaje pra movu, navuku, dzielicca ŭspaminami pra dziacinstva, žyćcio ŭ Karelii.
U knizie drukujucca artykuły pra jaho rodnych. U inšych jon raskazvaje pra piśmieńnikaŭ-sučaśnikaŭ — Alesia Adamoviča, Vasila Bykava, Niła Hileviča… I navukoŭcaŭ — Alaksandra Janšyna, Viktara Chaina…
Radzim Harecki piša taksama karacieńkija historyi z žyćcia. Jak hetaje.
«Na Vialikdzień kala kafiedralnaha sabora stajaŭ niedaloka ad Zianona Paźniaka. Kala jaho krucilisia niekalki pryhožych, simpatyčnych dziaŭčat i ŭsiak staralisia, kab jon źviarnuŭ na ich uvahu. Ja jamu kažu: «Voś jak vas lubiać dziaŭčaty».
— Mianie lubić usia Biełaruś.
— Nu, jość i takija, jakija vas nie lubiać.
— A ja ich usio roŭna lublu. Kali b jany heta viedali, dyk taksama mianie lubili b».
Nabyć vydańnie možna ŭ «Akademknizie» (Minsk, pr-t Niezaležnaści, 72).
Hladzicie taksama: 85-hadovy akademik Radzim Harecki dzielicca sakretami siamiejnaha ščaścia i zdaroŭja