Jak paviedamiła BiełaPAN staršy inśpiektar adździaleńnia pa ahitacyi i prapahandzie DAI UUS Bresckaha abłvykankama Natalla Kaśjanik, 23 śniežnia ŭ 9.05 na pažyłuju žančynu, jakaja pierachodziła prajeznuju častku pa nierehulavanym piešachodnym pierachodzie, učyniŭ najezd 77-hadovy žychar Bresta, jaki kiravaŭ aŭtamabilem «VAZ-2105».
Paciarpiełaja ź ciažkimi traŭmami była dastaŭlena ŭ Pružanskuju centralnuju rajonnuju balnicu, dzie ŭ reanimacyjnym adździaleńni pamierła.
Pa fakcie DTZ raspačata sprava pa č. 2 art. 317 KK (parušeńnie praviłaŭ darožnaha ruchu abo ekspłuatacyi transpartnych srodkaŭ, što paciahnuła pa nieaściarožnaści śmierć čałavieka).
Z pačatku 2013 hoda ŭ Bresckaj vobłaści z udziełam piešachodaŭ adbylisia 243 DTZ, u jakich 51 čałaviek zahinuŭ i 194 byli paranieny.
